Урысей гвардием и управленэу ­КъБР-м щыIэм  и пресс-IуэхущIапIэм и унафэщI, полицэм и подполковник Сал­пагаровэ ФатIимэ лэжьыгъэ IуэхукIэ Печатым и унэм щахуэзащ   ­«КъБР-Медиа» къэрал кIэзонэ Iуэху­щIа­пIэм и уна­фэщI  Бежан Беслъэнрэ абы и къуэдзэ Холаев Темырланрэ. 

Лъэныкъуэхэр  тепсэлъыхьащ Урысей гвардием и щIыналъэ управленэм и лэжьыгъэм ехьэлIауэ мыхьэнэ зиIэ хъыбархэр зэрызэIэпахыну щIы­кIэм,   щIыпIэм и цIыхубэ хъыбарегъа­щIэ IэнатIэхэм ядэлэжьэныр гъэбы­дэ­ным, апхуэдэуи щIалэгъуалэр хэкупсэу гъэсэнымрэ Урысей Феде­рацэм и лъэпкъ гвардием и дзэхэм къулыкъу щы­зыщIэхэм я пщIэр къэ­Iэтынымрэ хуэгъэзауэ зэгъусэу зэхалъхьа я проектхэр пхыгъэкIыным. Гулъытэ хэха хуа­щIащ ведомствэр илъэси 10 зэрыхъумрэ абы теухуауэ ирагъэ­кIуэкI ­Iуэ­ху­­хэмрэ.  
ЗэIущIэм хэтахэм къыхагъэщащ Урысей гвардиемрэ щIыналъэ цIыхубэ хъыбарегъащIэ IуэхущIапIэхэмрэ зэдэлэ-­жьэ­ным мыхьэнэшхуэ зэриIэр ведомствэм и къа­лэнхэр зэригъэзащIэр сыт и лъэ­ны­къуэкIи  икIи и зэманым къэгъэ­лъэ­гъуэ­ным, цIыхухэм хабзэхъумэ IэнатIэхэм я дзыхь ирагъэзынымрэ а къулыкъум пэрытхэм пщIэ хуащIынымрэ я лъэныкъуэкIэ.