Урысей Федерацэм и Президентым и полномочнэ лIыкIуэу Кавказ Ищхъэрэ федеральнэ щIыналъэм щыIэ Чайкэ Юрий дыгъуасэ Пятигорск ­къалэм щригъэкIуэкIащ КИФЩI-м ­хабзэр къызэпауду мылъку щы­зэ­Iэпызыххэм япэщIэтынымкIэ щIы­налъэхэм зэдай лэжьакIуэ гупым и зэIущIэ.

Округым хыхьэ щIыналъэхэм я унафэщIхэм ящIыгъуу, зэIущIэм видео­зэпыщIэныгъэ IэмалкIэ хэтащ КъБР-м и Iэтащхьэ КIуэкIуэ Казбек.
Зэхуэсым щытепсэлъыхьащ псэупIэ-коммунальнэ хозяйствэмрэ гъэсыныпхъэ-энергетикэ комплексымрэ я IэнатIэхэм апхуэдэ ныкъусаныгъэхэр къы­щымыгъэхъуным икIи мылъкум ­пы­щIауэ ялэжь хьэгъэщагъэхэр къы­зэ­пыудыным.
Чайкэ Юрий къыхигъэщащ псэупIэм епха Iуэхутхьэбзэхэр тэмэму зэрызэ­фIэгъэкIыпхъэр, абыхэм пэкIуэ пщIэр экономикэм и щытыкIэм тещIыхьауэ зэрыщытыпхъэр, а лэжьыгъэ­хэр зэ­кIэ­лъызыгъакIуэ, зыхуей-зы­хуэфI­хэмкIэ къызэзыгъэпэщ къулыкъухэм я IуэхущIафэхэри зэIухауэ щытын зэры­-хуейр.
Полномочнэ лIыкIуэм зэIущIэм хэт­-хэр къыхуриджащ коммунальнэ, энергетикэ компаниехэм я лэжьыгъэм зэ­рыкIэлъыплъыр щIагъэткIиену, хабзэм ебакъуэхэр жэуапым зэрырашэлIэнур дэтхэнэми гурагъэIуэну.
ЗэIущIэм зыщытепсэлъыхьахэм ехьэ­лIа пщэрылъ пыухыкIахэри ищIащ Чайкэ Юрий.