Ди республикэм и Iэтащхьэ КIуэкIуэ Казбек Санкт-Петербург щы­хуэзащ УФ-м ЩIалэгъуалэм я IуэхухэмкIэ и федеральнэ агентствэм и унафэщI Гуров Григорий. Ахэр тепсэлъыхьащ щIалэгъуалэм я Iуэхур зэрыдэкIым. 

Гуровыр мызэ-мытIэу щыIащ ди республикэм, «ЩIалэгъуалэм я щIыналъэ» президент программэм къы­щыгъэлъэгъуахэр ­щIы­налъэм зэрыщагъэзащIэмкIэ дэIэпыкъуэ­гъу, чэнджэщэгъу хъууэ. Ар жыджэру хэту ди республикэм къыщызэрагъэпэщауэ тэмэму щолажьэ щIалэгъуалэ цент-ру 9. Илъэсым къриубыдэу апхуэдэхэм я бжыгъэр 11-м нэсынущ. Къинэ­мыщIауэ, районхэм щолажьэ ныбжьыщIэхэм папщIэ центри 2, кол­леджхэм къыщызэрагъэпэщащ сту­дент зэгухьэныгъэу 5, абыхэм иджыри къахэхъуэнущ 2. 
ЩIалэгъуалэ IуэхущIапIэхэр ипэжы­пIэ­кIэ хъуащ ныбжьыщIэхэм я зэ­хуэ­сыпIэ цIэрыIуэ, Iуэхугъуэ зэмы­лIэу­жьыгъуэ куэдым я хэщIапIэ дахэ. Куэд дэмыкIыу Налшык лэжьэн щы­щIи­дзэнущ «Iуащхьэмахуэ» щIалэ­гъуалэ лаге­рым. Абы и бжэхэр зэIу­хауэ щытынущ илъэс псом къриу­быдэу. 
Ди республикэм и пашэ КIуэкIуэ Казбекрэ Гуров Георгийрэ щIалэгъуа­лэм дяпэкIэ зэра­дэ­лэжьэнум тещIы­хьа Iуэхугъуэ куэд ­къы­зэ­щIэзыубы-дэ зэгурыIуэныгъэщIэ зэра­у­хы­лIащ. КъулыкъущIэхэр щхьэхуэу теп­сэ­лъы­хьащ «ЩIалэгъуалэм я щIыналъэ» ­программэм щыубзыхуа Iуэхугъуэ ­зэ­­мы­лIэужьыгъуэхэм Къэбэрдей-Балъкъэрым и щIалэгъуалэр ­зэ­ры­х­этыну щIыкIэхэм. Абыхэм  хохьэ, къапщтэмэ, илъэс псом лэ­жьэну «Вагъуэ» дзэ-хэкупсэ лагерыр, «Къэзакъ къутыр» хэкупсэ-нэгузыужь центрыр къызэгъэ­пэщыныр. 
КIуэкIуэ Казбек фIыщIэ хуищIащ Гуров Григорий Къэбэрдей-Балъкъэрым, абы ис щIалэгъуалэм дапщэ- щи гулъытэ къазэрыхуищIым пап-щIэ. Апхуэдэуи къыхигъэщащ зэ­раухылIа зэгурыIуэныгъэхэр щIалэ­гъуалэм яхуэгъэпса проектыщIэхэмрэ IэмалыщIэхэмрэ я лъабжьэ быдэ зэ­ры­хъунум шэч къызэрытримыхьэр.