Урысей Федерацэм и Къэрал Советым и комиссэм видео зэпыщIэныгъэкIэ «Экономикэмрэ финансхэмрэ» унэ­тIы­ныгъэмкIэ конференц иригъэ­кIуэкIащ. Абы и лэжьыгъэм хэтащ ­КъБР-м и Iэтащхьэ КIуэкIуэ Казбек. 

ЗэIущIэм щытепсэлъыхьащ щIыналъэ бюджетыр зэрагъэзащIэм. Къы­зэ­рагъэ­лъагъуэмкIэ, 2026 гъэм Къэбэрдей-Балъкъэр Республикэм и бюджетыр сом мелард 72,7-рэ мэхъу. Мэкъуауэгъуэм 1-м ирихьэлIэу абы щыщу сом мелард 29,4-рэ (процент 40,5-р) къагъэсэбэпащ, ар нэ­гъабэ и апхуэдэ лъэхъэнэм еплъытмэ, проценти 109,05-кIэ ягъэзэщIащ. 
Республикэ бюджетым налогымрэ ­нэ­гъуэщI Iуэхугъуэхэмрэ къапэкIуэ и хэ­хъуэр сом мелард 1,2-кIэ нэхъыбэ хъуащ. 
Нэ­гъабэ и апхуэдэ лъэхъэнэм еплъытмэ, проценти 113-рэ мэхъу республикэ бюджетыр къызэрагъэ­сэ­бэпыр къэзыгъэлъагъуэ пщалъэр. Нэхъыщхьэу а мылъкур зытекIуэдар япэ игъэщыпхъэ, социальнэ мыхьэнэ зиIэ Iуэхухэрщ, псалъэм папщIэ улахуэм, социальнэ ахъ­шэхэм, ­хущхъуэкIэ, ерыскъыкIэ къы­зэ­гъэпэ­щыным, фIэкIыпIэншэ медицинэ стра­хованэм, коммунальнэ Iуэхутхьэ­бзэхэм.