ТхакIуэхэм я фэеплъ махуэм и щIыхькIэ, ди республикэм щекIуэкIащ Къэ­бэрдей-Балъкъэрым и ли­тера­турэджхэмрэ тхакIуэ­хэм­рэ щагъэлъэпIа Iуэ­ху­­гъуэхэр. КъБР-м и ТхакIуэхэм я зэгухьэныгъэм къызэригъэпэща Iуэхур диIыгъащ КъБР-м ЩэнхабзэмкIэ и министерствэм. 
ТхакIуэхэм удз гъэгъахэр тралъхьащ къэбэрдей, балъкъэр литературэхэм я лъабжьэгъэтIылъхэу ПащIэ Бэч­мырзэрэ Мечиев Кязимрэ, къэбэрдей литературэбзэм и лъабжьэр зыгъэтIылъа Що­джэнцIыкIу Алий сымэ я фэ­еплъхэм. ЯгъэлъэпIащ Къэ­бэрдей-Балъкъэрым и цIы­ху­бэ тхакIуэхэу КIыщокъуэ Али­м­рэ Кулиев Къайсынрэ. Хэку зауэшхуэм и гуащIэгъуэм хэта тхакIуэ лIыхъужьхэм Шэджэм щIыналъэм щыIэ я фэеплъ­хэм удз гъэгъахэр тралъхьащ. КъБР-м и ТхакIуэхэм я зэгу­хьэныгъэм и унафэщI Бейтуганов Исмэхьил, абы и къуэ­дзэ Мэремкъул Ларисэ, тха­кIуэ­хэм я зэгухьэныгъэм и ха­сащ­хь­эм хэтхэу Беппаев Му­­тIалип, Тхьэгъэзит Юрэ, Хьэ­кIуащэ Мадинэ, Мазуренкэ Маринэ сымэ хэтащ мы Iуэху­хэм.
- Нобэ я фэеплъым зыхудогъэщхъ зи пIалъэр игъащIэкIэ имыкIыну тхыгъэ купщIа­фIэ­хэр зи Iэдакъэм къыщIэкIа, ди щэнхабзэр къулей зыщIа тхакIуэхэм. ПащIэ Бэчмырзэ, Мечиев Кязим, ЩоджэнцIыкIу Алий, КIыщокъуэ Алим, Кулиев Къайсын сымэ я фэеплъыр ди гум зэи щыужьыхынукъым. ЩIэджы­кIакIуэхэм я псэр нэхъри къулей ящI абыхэм ятхауэ къытхуэнахэм. НэхъыжьыфIхэм къагъэна литературэ хъугъуэфIыгъуэр ди ужьым къиувэ щIэблэхэми ялъэдгъэIэсынущ, зыхедгъэ­щIэнущ, - жиIащ Бейтуганов Исмэхьил къыщыпсалъэм. 
ГЪУЭТ Синэ.