|
|
Жангыртыла тургъан жолланы жокълагъандыла
15 мая, 2026 - 06:03
КъМР-ни Транспорт эмда жол мюлк министерствосундан билдиргенлерича, «Жашау этерге инфраструктура» миллет проектни чеклеринде жоллагъа тынгылы ремонт къалай этилгенине Битеуроссей халкъ фронтну Къабарты-Малкъарда бёлюмюню келечилери ведомствону специалистлери бла бирге дайым кёз-къулакъ болгъанлай турадыла.
Алай бла кёп болмай жамауатчыла республиканы Жол управлениясыны специалистлери бла бирге Нальчик-Майский жолда болум бла шагъырейленнгендиле. Бусагъатда мында алты километр чакълы бирде асфальт салына турады.
Ызы бла инспекцияны къаууму узунлугъу 12,6 километрге жетген, Урван бла Прохладна районланы бирге къошхан Черная Речка-Благовещенское жолда ишлеге да къарагъанды.
Ол таш жол болгъаны себепли жауунлада бла къыш сууукълада водительлеге къыйналыргъа тюшгенди. Аны себепли мында жашагъанла жолгъа къаралырын эрттеден бери тилегендиле. Алай бла аны мурдору кючлендирилликди, эки къат асфальт салынныкъды эм тёрт кёпюр да жангыртыллыкъдыла.
Эсге сала айтсакъ, тынгылы ремонт баргъан объектледе ишлени халларына ведомствону келечилери бла бирге жамауатчыла да дайым эс бургъанлай турадыла. Бир тюрлю кемчилик эсленсе, созмай аны кетерирлерин айтадыла. Хайырланыргъа хазыр жолла да комиссия тинтмегенлей ачылмайдыла.
Былтыр сагъынылгъан миллет проектни чеклеринде регионну жети элине элтген жолла жангыртылгъандыла. Ол санда къоншу субъект бла чекде кесеклерине да къаралгъанды.
Магометланы Сулейман.
 |
|
12.06.2026 - 10:01 Белгилисича, Къабарты-Малкъарда Китапланы сюйгенлени жамауат биригиулери бла Къулийланы Къайсынны Мемориал юйю-музейини ишчилери къурагъан «Къайсынны от жагъасында» деген проект ючюнчю жыл ишин ба |
 |
|
12.06.2026 - 09:03 Къабарты-Малкъарда профессионал усталыкъгъа жораланнган «Профессионалла» битеуроссей чемпионатны ахыр кесеги бардырыла турады. Бу айны биринчисинде аны Б. Г. |
 |
|
11.06.2026 - 09:23 Къабарты-Малкъарны Правительствосуну кенгешинде илму учреждениялагъа себеплик этиу, инсанланы онгдуруу, кадрла жаны бла онгланы айнытыу, билим бериу эмда социал жаны бла билеклик этиу бла байламлы |
 |
|
11.06.2026 - 09:21 КъМР-ни Башчысы Казбек Коков Нальчикни жер-жерли администрациясында шахар округну школларыны директорлары бла тюбешгенди, деп билдиргендиле регионну оноучусуну МАХ-да энчи каналында. |
 |
|
11.06.2026 - 08:57 Быйыл "Россети Северный-Кавказ" -"Каббалкэнерго" биригиуню специалистлери ток урланнганы бла байламлы 94 шартны ачыкълагъандыла. Аны чеклеринде 1,6 миллион киловатт-сагъат тас болгъанды. |
|
