Бу суратны редакциягъа  алгъаракъда Тёбен Чегемден газет бла байламлыкъ жюрютюп тургъан Къумукъланы Бузжигит жибергенди. Ол суратны Къонакъланы Мухамматны жашы Ибрагимни альбомундан алгъанды. Уллу Ата журт урушну ветеранлары суратха 1975 жылда 9 майда Уллу Ата журт урушну 30-жыллыкъ Хорламын элни клубунда къууанчлы халда белгилегенден сора тюшгендиле.

Биринчи тизгинде олтургъанла (солдан онгнга): Мамусурланы Махамет, Къаракъызланы Джабраил, Эттеланы Алий, Кетенчиланы Исмайыл.

Экинчи тизгинде сюелгенле (солдан онгнга): Гемуланы Азрет, Къумукъланы Байдуллах, Къонакъланы Мухаммат, Мызаланы Магомет, Шауаланы Ахмадия, Улбашланы Хажи-Окъуб, Къудайланы Амырхан, Къумукъланы Абдул, Жазаланы Мухаммат, Малкъарланы Ибрагим эмда Чегем районну военкому Войтев.

Ючюнчю тизгинде сюелгенле (солдан онгнга): Малкъарланы Исмайыл, Гыллыланы Мухаммат, Бапыналаны Мухаммат, Хочуланы Чукай, Малкъондуланы Хызыр, Шауаланы Идрис, Кетенчиланы Дауут, Сатрачланы Назир, военкомну водители.

Тёртюнчю тизгинде сюелгенле (солдан онгнга): Насыплыланы Хажи-Бекир,Черкесланы Магомет, Таумырзаланы Масхут, Беппайланы Юсюп, Атабийланы Идрис, Элмырзаланы Исмайыл, Жанкишиланы Хасан, Гочияланы Назир.

Уллу Хорламны жууукълашдырыргъа къошумчулукъ этген бу сиз кёрген ветеранла барысы да дунияларын алышхандыла. Алай урушну кезиуюнде, мамыр жашауда ала болдургъан жигитликлени Тёбен Чегемде жашагъанла, жамауат да унутмагъанды. Эл тюз ниетли халкъ болгъан къадарда, бир жигитни аты унутуллукъ тюйюлдю.