IэщIагъэлIхэр кърашалIэ

9 мая, 2026 - 09:25

2025 гъэм и мэкъуауэгъуэ мазэм, Кавказ Ищхъэрэ федеральнэ щIыналъэм щыяпэу, ди республикэм къыщызэIуахащ Узыншагъэр хъумэнымкIэ IэнатIэр IэщIагъэлIхэмкIэ къызэзыгъэпэщ хэгъэгу центр. Абы и лэжьыгъэр зыхуэунэтIар республикэм и медицинэ IэнатIэм Iуэхум фIыуэ хэзыщIыкI IэщIагъэлIхэр къешэлIэнырщ. 
Центрым и къалэнщ а унэтIыныгъэмкIэ щыIэ щытыкIэм куууэ щыгъуэзэныр, кадрхэмкIэ политикэр убзыхуныр, IэщIагъэлIхэр къыхэхынымкIэ, ахэр Iуэхум хэгъэгъуэзэнымкIэ дэIэпыкъуэгъу хъуныр, лэжьакIуэхэр къэлъыхъуэнымкIэ зыуэ щыт IэнатIэ къызэгъэпэщыныр. Апхуэдэу центрым зэхигъэуващ IэщIагъэлI ныбжьыщIэхэмрэ ординатурэр къэзыухахэмрэ унэтIакIуэхэр зэрадэлэжьэну программэ, къищынэмыщIауэ, абыхэм я зэфIэкIыр къызэрилъытэн икIи зэрызригъэужьын Iэмалхэр еубзыху.
Центрыр къызэрызэрагъэпэщрэ, абы республикэм узыншагъэр хъумэнымкIэ и IэнатIэм къришэлIащ IэщIагъэлI 403-рэ, абыхэм ящыщу 98-р дохутырщ, 263-р курыт медицинэ щIэныгъэ зиIэхэщ. 2023 гъэм щегъэжьауэ 2026 гъэ пщIондэ щIыналъэм и къэрал медицинэ IуэхущIапIэхэм щылажьэхэм я бжыгъэр цIыху 650-кIэ хэхъуащ. Абыхэм ящыщу 266-р дохутырщ, 339-р курыт медицинэ щIэныгъэ зиIэ лэжьакIуэхэщ.
 2026 гъэм ирихьэлIэу, Къэбэрдей-Балъкъэрым и къэрал медицинэ IуэхущIапIэхэм щолажьэ дохутыр 3709-рэ, курыт медицинэ щIэныгъэ яIэу 8286-рэ. Абыхэм ящыщу 1975-м я ныбжьыр илъэс 60-м щхьэдэхащ. 
ЩIыналъэ къулыкъущIэхэм республикэм узыншагъэр хъумэнымкIэ и IэнатIэр ирикъуу IэщIагъэлIхэмкIэ къызэгъэпэща хъуным хуэунэтIа лэжьыгъэхэр адэкIи ирагъэкIуэкI, республикэм щыпсэухэр фIагъ зиIэ медицинэ дэIэпыкъуныгъэкIэ къызэрагъэпэщыным хущIэкъуу. 

Теувэжыкъуэ Арсен.

  • 6 просмотров

Поделиться:

ЧИТАТЬ ТАКЖЕ:

12.06.2026 - 09:03

Хуитыныгъэхэмрэ Iэмалхэмрэ щызэхуэдэм деж

Бэрбэч ХьэтIутIэ и цIэр зезыхьэ Къэбэрдей-Балъ­къэр­ къэрал университетым зыхуигъэувыж и къалэн пажэм – щIалэгъуалэм щIэ­ныгъэ нэхъыщхьэ еты­ным къыдэкIуэу – IэщIагъэ зригъэгъуэтыну хущIэкъуу егъэ­
11.06.2026 - 09:11

ЯгъэткIиинущ кIэлъыплъыныгъэр

Урысей Федерацэм и Президентым и полномочнэ лIыкIуэу Кавказ Ищхъэрэ федеральнэ щIыналъэм щыIэ Чайкэ Юрий дыгъуасэ Пятигорск ­къалэм щригъэкIуэкIащ КИФЩI-м ­хабзэр къызэпауду мылъку щы­зэ­Iэпызыххэм
11.06.2026 - 09:10

Урысей Федерацэм и цIыхуу ущытыныр пщIэшхуэщ

Къэбэрдей-Балъкъэрым и районхэмрэ къалэхэмрэ щыщу зи ныбжьыр илъэс 14 ирикъуа еджакIуэ 26-м дыгъуасэ Урысей Федерацэм и цIыхум и паспортыр КъБР-м и Парламентым щратащ.
10.06.2026 - 15:37

ПсэукIэр ирагъэфIакIуэ

Тэрч щIыналъэм хиубыдэ Дей – Акъбащ Ипщэ – Терекскэ автомобиль гъуэгум щыщ Iыхьэр, Белоглинскэ къуажэм ПащIэм и цIэр зезыхьэ и уэрамыр, къызыхуэтыншэу зэрагъэпэщыж.
10.06.2026 - 09:03

И лъахэгъухэр егъэгушхуэ

Тырныауз къалэм Кулиев Къайсын и цIэр зэрихьэу дэт ЩэнхабзэмкIэ унэм щагъэлъэпIащ тхьэмахуитI ипэ­кIэ Урысей Федерацэм алыдж-урым бэнэкIэмкIэ дыщэ медаль ещанэу къы­щызыхьа Локьяев Жамболэт.