Республиканы Спорт министерствосу билдиргеннге кёре, бу кюнледе Невинномысск шахарда дзюдодан СКФО-ну биринчилиги ётгенди. Ол онбеш жыллары толмагъан спортчу жашланы бла къызланы араларында бардырылгъанды. Ары округну жети регионундан 284 спортчу къатышханды. Къабарты-Малкъардан анда 66 дзюдочу кеслерин сынагъандыла.

Эришиулени эсеплерине кёре Къабарты Малкъарны дзюдочулары кеслерини ауурлукъ эм жыл сан къауумларында хорлагъанланы санына Мисирланы Мансур (66 кг.), Тамерлан Конов (42 кг.), Самир Абазов (46 кг.), Самир Кажаров (50 кг.), Алан Канкулов (60 кг.) къошулгъандыла. Сальдар Хачидогов (38 кг.), Ренат Шокуев (46 кг.), Асхад Хуранов (60 кг.), Дамир Кунашев (73 кг.), Амин Карданов (+73 кг.) экинчилени санында. «Доммакъны» уа Геграланы Исса (55 кг.), Дадуланы Амин (60 кг.), Мансур Сижажев (38 кг.)  бла Дана Тогузлоева (+63 кг.) алгъандыла.

Бу эришиулени эсеплерине кёре, биринчи бла экинчи жерге чыкъгъанла, Россейни майда Саратов шахарда бырдырыллыкъ биринчилигине къатышырыкъдыла.

Спортчула Жолабланы Кайманда, Дмитрий Ивановда, Анзор Апхудовда, Астемир Кашироковда, Залим Гадановда, Азамат бла Сафарби Таовлада, Юрий Борукаевде, Рустам Емкужевде эм Беслан бла Залим Дзуевледе жарау этедиле.

Додуланы Мадина.