КъБР-м и Парламентым и УнафэщI Егоровэ Татьянэ хабзэубзыху IуэхущIапIэм и Президиумым и зи чэзу зэIущIэр иджыблагъэ иригъэкIуэкIащ. Абы щы­хэплъащ Iуэху тIощIым щIигъум.

Абыхэм ящыщщ «КъБР-м Къэзып­щы­тэ-къэзыбж и палатэм теухуауэ» КъБР-м и Законым и 38-нэ Iыхьэм зэхъуэкIыныгъэ­хэр хэлъхьэным и IуэхукIэ» республикэ законым и проектыр. КъБР-м и Парламентым БюджетымкIэ, налогхэмрэ финанс Iуэху­хэмкIэ и комитетым и унафэщI Афэ­щIагъуэ Михаил зэрыжиIамкIэ, ар хуэу­нэ­тIащ КъБР-м и КСП-м и лэжьыгъэр зыубзыху дэфтэрхэр зэгъэзэхуэжыным.
Депутатхэр тепсэлъыхьащ, федеральнэ закон зыбжанэ къызэращтам къыхэкIыу, зэрагъэзэхуэжыну къыхалъхьа «КъБР-м хьэ­рычэт Iуэху мащIэмрэ курытымрэ зе­гъэу­жьыным ехьэлIауэ» КъБР-м и Зако­ным зэхъуэкIыныгъэхэр хэлъхьэным и IуэхукIэ» законопроектым.
Апхуэдэуи хэплъащ «КъБР-м хьэрычэ-­ т­ыщIэхэм я хуитыныгъэхэр хъумэнымкIэ и уполномоченнэу КъБР-м щыIэм и IуэхукIэ» КъБР-м и Законым зэхъуэкIыныгъэхэр хэлъхьэным теухуауэ» КъБР-м и законым и проектым. Хабзэубзыху IуэхущIапIэм Эко­номикэмкIэ, зыужьыныгъэмкIэ, туриз­мэмрэ хьэрычэт IуэхухэмкIэ и комитетым и унафэщI Iэпщэ Заур жиIащ федеральнэ законым къызэрыщыгъэлъэгъуам тету, хьэ­рычэтыщIэхэм я хуитыныгъэхэр хъумэ­нымкIэ уполномоченнэу КъБР-м щыIэм и къулыкъур зы цIыхум пIалъитI нэхъыбэ иIыгъыну зэрыхуимытыр хагъэкIыну къы­зэрыхалъхьэр. 
ЗэIущIэм щытепсэлъыхьащ «КъБР-м и Тхылъ плъыжьым и IуэхукIэ» КъБР-м и Законым зэхъуэкIыныгъэхэр хэлъхьэным ехьэ­лIауэ» республикэ законопроектым. КъБР-м и Парламентым Мэкъумэш Iуэху­хэмкIэ, щIыуэпсыр къэгъэсэбэпынымкIэ, эко­логиемрэ дыкъэзыухъуреихь дунейр хъумэнымкIэ и комитетым и унафэщI ТекIушэ Артур жиIащ «Дыкъэзыухъуреихь дунейр хъумэным и IуэхукIэ» Федеральнэ законым и 60-нэ Iыхьэм и гуэдзэныщIэхэр къэлъытауэ, зи гугъу ящI законопроектым и 6-нэ Iыхьэр щIэрыщIэу ятхыжыну къы­зэ­рыхалъхьэр. Абы къикIращи, Тхылъ плъы­жьым иратха псэущхьэхэмрэ къэкIыгъэ­хэмрэ хъумэныр зэхъуэкIыныгъэщIэм тету къызэрагъэпэщын хуейщ.
Законхэм я проектхэр IуэхущIапIэхэм хуа­гъэхьащ зэгъэзэхуэжын хуейхэр, уна­фэхэр ягъэхьэзырын папщIэ. Абыхэм елэ­жьа нэужь, КъБР-м и Парламентым и зэIущIэм щыхэплъэнущ.
Депутатхэр тепсэлъыхьащ федеральнэ законхэм я проектхэми, УФ-м и щIыналъэхэм къикIа жэрдэмхэми, зэрызыхуагъа­зэхэми. Къапщтэмэ, абыхэм зэдэарэзыуэ да­Iы­гъащ гъуэгум зэрыщызекIуэ хабзэхэм щы­гъэбелджыла «машинэ зехуэкIэ шынагъуэ» псалъэхэм къарыкIым зегъэуб-­ ­гъу­ным­рэ апхуэ­дэм ехьэлIауэ админист­ративнэ жэуап гъэу­вынымрэ теухуауэ ­гъунэгъу щIыналъэхэм къыхалъхьа я законопроектыр.
КъищынэмыщIауэ, депутатхэм унафэ къащтащ къытщIэхъуэ щIэблэр хэкупсэу гъэсэным хэлъхьэныгъэшхуэ зэрыхуа­щIым, дзэ Iуэху хэхам хэтхэм зэрадэIэпыкъум папщIэ, ветеранхэм я «Боевое братство» урысейпсо жылагъуэ зэгухьэныгъэм Къэбэрдей-Балъкъэрым щиIэ къудамэм хэт зыбжанэм КъБР-м Парламентым и ЩIыхь тхылъыр иратыну. 
КъБР-м и Парламентым и 
пресс-IуэхущIапIэ.