«Артек» дунейпсо сабий зыгъэп­сэ­ху­пIэр илъэсищэм щIигъуауэ мэлажьэ ­ныбжьыщIэхэм я узыншагъэр ирагъэ­фIэкIуэным, я нэгу зрагъэужьыным тещIыхьауэ. Сабиигъуэм, гуапагъэм, ныбжьэгъугъэм я лъахэ хъуащ ар. 

КъБР-м Егъэджэныгъэмрэ щIэныгъэмкIэ и министерствэмрэ «Артек» дунейпсо са­-бий центрымрэ зэраухылIа зэгурыIуэ­ныгъэм тету, ди республикэм щыщ сабий зэчиифIэхэр хэтыну Iэмал яIэщ зыгъэп­сэхупIэм и зэблэкIыгъуэ (смена) 15-м. Абы ягъэкIуэну зи насып къикIхэм ехъулIэ­ныгъэхэр къыщагъэлъэгъуащ еджэным, спор­тым, щэнхабзэм, жылагъуэ Iуэхум. Илъэс кIуам «Артек»-м щыIащ ди щIыналъэм щыщ сабий 232-рэ. 
ТворчествэмкIэ сабийхэмрэ ныбжьы­щIэ­хэмрэ я унэм иджыблагъэ щекIуэкIащ республикэм и курыт еджапIэхэм щеджэ ныбжьыщIэхэр «Артек» сабий центрым зэ­ра­гъакIуэм иращIэкIа зэIущIэ. Ныбжьы­щIэ­хэр тхьэмахуэкIэ щыIэнущ Аю - Даг бгым и лъапэм, ахэр «Артек»-м щекIуэкI Iуэху дахэхэм хэтынущ. Ди сабийхэм ящыщ «Артек»-м ­кIуащ етхуанэ зэблэкIыгъуэм хиубыдэу щыIэну.

НАФIЭДЗ  Людэ.