Бу кюнледе «Къабарты-Малкъарны маданияты» регион программаны чеклеринде Басхан районда Кременчуг-Константиновское элде "Къарындашланы къабырын"  белгилеген  эсгертмеледен бирине тынгылы ремонт этип  башлагъандыла.  Ол 1945 жылда сюелтилиннгенди эм районда эм эрттегили мемориал комплекследен бирине саналады. 

Проектге кёре, анга  толусунлай тынгылы ремонт этилликди, ол санда  юсюнде жазыулары да  жангыртыллыкъдыла эм ахырында тёгерек- башны да айбландырырча мадар этилликди.

Андан сора да, Заюково элде Уллу Ата журт урушну жигитлерине ишленнген эсгертмени   жангыртып кюрешедиле. Мында ишле комплекс халда къыстау  барадыла. Ахырында эсгертмени тийресин игилендирирча да мадар этилликди. Аны бла бирге жууукъ заманда тийишли ишле белгили «910» бийикликде эсгертмеде  да башланырыкъдыла.

Быллай проектни магъанасы эсгертмелени жангыртхандан сора да,  ата-бабаларыбызны жигитликлерин, Хорлам ючюн жанларын, къанларын аямагъанларын эсде тутууду эм сый бериудю.  Ала ёсе келген тёлюлеге юлгю болгъанлай къалыргъа керекдиле.

Магометланы Сулейман.