2026 гъэм мэлыжьыхьым и 9-м и ныбжьыр илъэс 70 ирокъу Къэбэрдей-Балъкъэр Республикэм и прокуратурэм илъэс куэдкIэ щылэжьа, юстицэм и чэнджэщэгъу нэхъыжь Мэсей Аскэр Хьэжмусэ и къуэм. Абы къызэринэкIа гъуэгуа­нэр Хабзэм псэемыблэжу хуэлэжьэным, цIыхум хэ­лъыфынкIэ хъуну жэуап­лыныгъэм, IэщIагъэм хуэ­пэ­жыным я щапхъэщ.

Аскэр Къэбэрдей-Балъкъэр АССР-м хыхьэ Аруан щIыналъэм и Арщыдан ­къуажэм 1956 гъэм къы­щалъ­хуащ. Советыдзэм и гу­пым хэту Германием къулыкъу щищIэу къигъэзэжа нэужь, ар щIэтIысхьащ Курс­кий Д. И. и цIэр зэрихьэу Саратов дэт Юридичес­кэ институтым икIи диплом плъыжькIэ 1981 гъэм ар къиу­­хащ.
Абдеж щыщIидзащ про­куратурэ IэнатIэм илъэс куэдкIэ купщIафIэу щрихьэкIа къулыкъур. Аскэр Черкесск къалэм и проку­ратурэм и стажеру къыщIи­дзэри, следователь нэхъыжьу, итIанэ Къэрэшей-Шэрджэс автоном облас-тым и прокуратурэм Iуэху нэхъ гугъухэмкIэ следова­телу лэжьащ, Къэбэрдей-Балъкъэр Республикэм и прокуратурэм къигъэзэжа нэужь, илъэс куэдкIэ ар пэ­рытащ следственнэ управ­ленэм Iуэху нэхъ гугъухэр зэхэгъэкIынымкIэ и къудамэм и унафэщI, криминалистикэмкIэ къудамэм и унафэщI къулыкъухэм. КIэ­лъыкIуэу абы къыхуагъэфэщащ къэрал кIуэцI Iуэху­хэмкIэ органхэм, нарко­контролым, таможнэм, суд приставхэм, уголовнэ-гъэ­зэ­щIакIуэ IэнатIэм уголов­но-процессуальнэ Iуэхухэр зэ­рыщагъэзащIэм кIэ­лъып­- л­ъы­нымкIэ прокуратурэм и къудамэм и унафэщI IэнатIэр. 
Сыт хуэдэ къулыкъу и­Iы­гъами, Мэсей Аскэр зи IэщIагъэм фIыуэ хэзыщIыкI IэщIагъэлIу, къызэгъэпэщакIуэ Iэзэу, хабзэм темыкI унафэщIущ зэрыщытар. Юриспруденцэм куууэ зэ­рыхищIыкIым, IэщIагъэм и щэху псоми зэрыщыгъуа-зэм къыхуихьащ абы и лэ­жьэгъухэм къыхуащI пщIэм­рэ а IэщIагъэм пэрытхэм я Iулыджымрэ. Абы и Iэдакъэ къыщIэкIащ щIэпхъаджагъэм пэщIэтыным хэлъ ­гугъуехьхэр щыгъэбелджыла, уголовнэ Iуэхухэр щы­зэхагъэкIкIэ, судым и пэ къихуэу прокурор кIэ­лъып­лъыныгъэ тэмэм зэтеуб­лэныр къызэгъэпэщыным ехьэлIа щIэныгъэ-практикэ, егъэджэныгъэ-методикэ лэжьыгъэхэр. Ахэр тхылъу щыIэщ, лэжьэн щIэзы­дза­гъа­щIэхэм къагъэсэбэпу. 
Мэсей Аскэр и зэфIэкIым пщIэ къыпэкIуащ. Абы къы­хуагъэфэщащ «Хэкум и пащ­хьэм щиIэ фIыщIэхэм папщIэ» орденым и II нагъы­щэр зиIэ медалыр; «Урысей Федерацэм и Прокуратурэм щIыхь зиIэ и лэжьакIуэ» бгъэхэIу дамыгъэр; «Хабзэм зэрыхуэпэжым папщIэ» къызэрыхагъэщ дамыгъэм и япэ нагъыщэр; «Прокуратурэм и ветеран» медалыр; Ягужинскэм и цIэкIэ щыIэ медалыр; Къэбэрдей-Балъкъэр Республикэм и Iэ­тащ­хьэм, Парламентым, Правительствэм я ЩIыхь тхылъ-хэр. Ар КъБР-м щIыхь зиIэ и юристщ. Апхуэдэ щытхъу, фIыщIэ тхылъу Урысей ­Федерацэм и Генеральнэ прокурорым, Къэбэрдей-­Балъкъэр Республикэм и прокурорым, КъБР-м и къу­лы­къущIапIэхэм я уна­фэщI­хэм къабгъэдэкIахэр я щы­хьэтщ Мэсейм хабзэр хъу­мэным хуищIа хэлъхьэныгъэм и мыхьэнэр къызэралъытам.
Мэсей Аскэр 2024 гъэм и мэ­лыжьыхьым и ныбжьым тещIыхьауэ, къулыкъум къы­пэрыкIащ. Иджы Къэбэрдей-Балъкъэр Республикэм и прокуратурэм и ветеранхэм (пенсэ кIуахэм) я советым хэту, ар йолэжь езыр зы­пэрыта IэнатIэм Iухьэ щIа­лэхэр гъэсэным, абыхэм чэнджэщэгъу яхуохъу.
Къэбэрдей-Балъкъэр Республикэм и прокуратурэм щылажьэхэр гурэ псэкIэ йохъуэхъу Мэсей Аскэр и махуэ лъапIэмкIэ, узыншагъэ быдэ, зэIузэпэщыгъэ, ­гъа­щIэ кIыхь иIэну ди гуа­пэщ.

­КъБР-м и прокуратурэ.