Сабий садны жангыртыу

8 апреля, 2026 - 11:58

Элбрус муниципал районну башчысы Отарланы Мухтар  администрацияны ишчилери  бла бирге Элбрус элде сабий садны тынгылы ремонтуну барыуун тинтгендиле.

Мекям 1987  жылда ишленнгенди. Анда  280 сабийге жер барды. Алай жылла бара баргъаны бла  энди ол  тынгылы ремонтну  излейди.  Аны   Элбрус элни кесини  бюджетини хайыры бла бардыргъанларын энчи чертирге керекди. 

Ишлени чеклеринде мында ток баргъан ызла, жылыу берген система жангыртылынырыкъдыла, ичинде къурулуш тюрлениуле боллукъдула, тышы тапландырыллыкъды, тёгерек-баш айбатландырылып, терекле да орнатыллыкъдыла.

Бусагъатда ишчиле демонтаж ишлени  бошай турадыла. Ызы бла башда  сагъынылгъан ызланы жангыртыугъа кёчер муратлыдыла. Элни администрациясыны таматасы Джаппуланы Ислам билдиргеннге кёре, ишле салыннган болжалгъа кёре бардырыладыла. Аланы тынгылылыкъларына уа энчи эс бурулады.

Темуккуланы Асият.

  • 7 просмотров

Поделиться:

ЧИТАТЬ ТАКЖЕ:

11.06.2026 - 09:23

Жаш тёлюню илму бла кюреширге кёллендирир муратда

Къабарты-Малкъарны Правительствосуну кенгешинде илму учреждениялагъа себеплик этиу, инсанланы онгдуруу, кадрла жаны бла онгланы айнытыу, билим бериу эмда социал жаны бла билеклик этиу бла байламлы

11.06.2026 - 09:21

Баш борч – сабийлени окъургъа талпындырыу, аманлыкъ ишледен кери этиу

КъМР-ни Башчысы Казбек Коков Нальчикни жер-жерли администрациясында шахар округну школларыны директорлары бла тюбешгенди, деп билдиргендиле регионну оноучусуну МАХ-да энчи каналында. 
11.06.2026 - 08:57

Токну урлагъан къоранчлыды эм къоркъуулуду

Быйыл "Россети Северный-Кавказ" -"Каббалкэнерго" биригиуню специалистлери ток урланнганы бла байламлы 94 шартны ачыкълагъандыла. Аны чеклеринде 1,6 миллион  киловатт-сагъат тас болгъанды.
11.06.2026 - 08:56

«Малкъарны булбулу»

Отарланы Магомедни жашы Омар 1916 жылны 10 майында Гирхожан элде туугъанды. 1938 жыл сентябрьде аны Нальчикге чакъырып, Къабарты-Малкъарны радиосуну А.М.
10.06.2026 - 09:03

Къоркъуусузлукъну жорукъларына, низамгъа гитчеликден юйретирге тийишлиди

КъМР-ни законла чыгъарыучу органында парламент тынгылаулада республиканы жолларында болум, аварияланы сылтаулары эм аланы азайтыуну амаллары сюзюлгендиле.