Сюд приставланы келечиси - алчы

6 апреля, 2026 - 14:39

РФ-ни Сюд приставларыны службасыны (УФССП) Къабарты-Малкъарда бёлюмюню келечиси Темиркан Готижев битеуроссей эришиуледе хорлагъанды, деп билдиргендиле бу ведомстводан. Анда айтханларына кёре, жаш гитче сюд пристав болуп ишлейди. Кеси да комплекс единоборство жаны бла чемпионатлада иги жетишимле болдуруп, Управленияны атын айтдыргъанды, анда ишлегенлени даражасын да туура этгенди.

ФССП-ны Шимал Кавказда чемпионатыны биринчи кесегинде 80 килограммгъа дери ауурлукъда Темиркан биринчи жерге тийишли болгъанды. Спортчу хунерлиги, иги хазырланнганы себепли эришиулени финалына чыкъгъанды. Анда уа жаш тирилигин, къармашыулугъун кёргюзтгенди, болсада ючюнчю жерни алгъанды.

Комплекс единоборство тутушуу эмда уруучу техникаланы бирикдиреди, аны ючюн спортчудан тёзюмлюлюкню эмда психология тутхучлулукъну излейди. Ала кеслери да харкюнлюк ишде керекли шартладыла.

Управленияны келечилери Темиркан Анзоровични алгъышлайдыла, ишинде, спортда жангы жетишимле эмда хорламла тежейдиле!

Омарланы Мурат.

  • 6 просмотров

Поделиться:

ЧИТАТЬ ТАКЖЕ:

11.06.2026 - 09:23

Жаш тёлюню илму бла кюреширге кёллендирир муратда

Къабарты-Малкъарны Правительствосуну кенгешинде илму учреждениялагъа себеплик этиу, инсанланы онгдуруу, кадрла жаны бла онгланы айнытыу, билим бериу эмда социал жаны бла билеклик этиу бла байламлы

11.06.2026 - 09:21

Баш борч – сабийлени окъургъа талпындырыу, аманлыкъ ишледен кери этиу

КъМР-ни Башчысы Казбек Коков Нальчикни жер-жерли администрациясында шахар округну школларыны директорлары бла тюбешгенди, деп билдиргендиле регионну оноучусуну МАХ-да энчи каналында. 
11.06.2026 - 08:57

Токну урлагъан къоранчлыды эм къоркъуулуду

Быйыл "Россети Северный-Кавказ" -"Каббалкэнерго" биригиуню специалистлери ток урланнганы бла байламлы 94 шартны ачыкълагъандыла. Аны чеклеринде 1,6 миллион  киловатт-сагъат тас болгъанды.
11.06.2026 - 08:56

«Малкъарны булбулу»

Отарланы Магомедни жашы Омар 1916 жылны 10 майында Гирхожан элде туугъанды. 1938 жыл сентябрьде аны Нальчикге чакъырып, Къабарты-Малкъарны радиосуну А.М.
10.06.2026 - 09:03

Къоркъуусузлукъну жорукъларына, низамгъа гитчеликден юйретирге тийишлиди

КъМР-ни законла чыгъарыучу органында парламент тынгылаулада республиканы жолларында болум, аварияланы сылтаулары эм аланы азайтыуну амаллары сюзюлгендиле.