Малкъар халкъны  къыраллыгъы къайтарылгъан кюннге  аталып республиканы тийресинде кёп организациялада байрамла къуралгъандыла. Ол санда школлада, сабий садлада окъуна. Мартны жыйырма жетисинде Нальчикни 59-чу сабий садында да бардырылгъанды  аллай иш. Эсигизге салайыкъ, ол шахарны Александровка тийресинде орналыпды аны таматасы Улбашланы Заремады.

Ары  мени ол да   чакъыргъан эди. Тюзюн айтханда, сабийчикле назмула айтып къоярла деп тура эдим. Алай  байрам башланнганда кёрдюм ажашханымы. Тёрт-бешжыллыкъ къызчыкъла, жашчыкъла, назмула бла  чекленип къалмай, жырлагъан, тепсеген да этдиле алагъа  къарагъанланы барысында сейирсиндирип.

Анда таулу сабийледен сора,  оруслула, къабартылыла  да бар эдиле. Ала барысы да бир ажашмай, тауча назмула айтдыла. Алагъа  къараргъа уа сабий садны ишчилеринден сора да,  анала да келген эдиле.  Аладан сора да, чакъырылгъан къонакъланы араларында «Нюр» журналны баш редактору Сабанчыланы Арипа, Нальчикни Билим бериу департаментини бёлюмюню  таматасы  Ахайланы Лариса, «Заман» газетни бёлюмюню редактору Османланы Хыйса. Ала  байрам бошалгъандан сора сабий садны таматасына, къызчыкъланы, жашчыкъланы хазырлагъан Мызыланы Жаннетге  кёп ариу сёзле, алгъышла айтхандыла.

Лейлун улу Х.