КъМР-ни Башчысы Ю.А. Коков пенсия законодательствону тюрлениулери бла байламлы Россейни гражданларына Президент В.В Путинни Обращениясыны юсюнден оюмун билдиргенди. «Миллетге Обращениясында къыралыбызны таматасы къыйын, алай керекли оноуланы кючлерине кийирирге тийишлисини юсюнден тынгылы айтханды. Ол оноула  пенсия системаны финанс жаны бла кёп жыллагъа алгъа тутхучлулугъуну себебидиле. Тюз айтылгъанды, бюгюнлюкде базыныусузлукъ къыралны айныууна бла къоркъуусузлугъуна чырмау болургъа боллукъду.
Бек магъаналы башламчылыкъ тиширыуланы пенсиягъа чыгъыу жыл санларын азайтыуду. Беш неда андан кёбюрек сабийи болгъан тиширыула уа пенсиягъа бусагъатдача чыгъарыкъдыла, элли жылларында.  Аны бла бирге пенсиягъа чыгъыуну жыл санын кётюрюу жашаугъа аз-аздан кийирилликди.
Бизни жаныбыздан ЖКХ жумушланы тёлеу, капитальный ремонт,  дарманланы сатып алыу эм башха жумушла бла байламлы регион льготала сакъланырыкъдыла.  Тийишли эсгертиулеге Къабарты-Малкъарны Парламентинде 2018 жылны 27 сентябринде къараллыкъды».