«Хайырланыучуланы эркинликлерин къоруулауну юсюнден» законну 10-чу, 26-1-чи статьяларына тюрлениуле кийириуню юсюнден» федерал законну проектине тийишлиликде сатылгъан затланы тышлары неден этилгенлерини юсюнден билдириуню жазаргъа борч салынады.

Таможня союзну техника излемлерине кёре аберини чыгъаргъан аны тышы неден этилгенини кёргюзтген кодну жазаргъа керекди. Затны тюкенде сатып алгъанда хайырланыучула аны тышын жангыдан жарашдырыугъа жиберирге жарагъанын бла къалгъанын билирча маркировка бла шагъырейленирге эркиндиле. Алай затны онлайн халда алгъанда аллай онг болмаучуду, Интернетде сатыу-алыу майданла сатыучулагъа законнга тийишлиликде аллай излем салмайдыла. Боллукъ тюрлениуле аберини онлайн амал бла сатып алгъанда да хайырланыучула аны тышын неден жарашдырылгъанын билирча этерге жораланыпдыла.

Жангычылыкъны регионну палатасыны Агропромышленный комплексни, эллени айнытыу эмда экология жаны бла комиссиясы жыйылыуунда къабыл кёргенди. Аны келечилери оюм этгенлерича, бу оноу адамланы тынчлыкълы экология болумлада жашаргъа эркинликлерин сакълаугъа себеплик этедиле.