Алгъаракълада «Намыс» акъылбалыкъ болмагъанланы социал-реабилитация арасында тюбешиу болгъанды. Анда сёз акъылбалыкъ болмагъанлагъа ала  законнга бузукълукъ этгинчи къайгъырыуну юсюнден баргъанды.  

Жаш тёлю бла тюбеширге МВД-ны келечиси полицияны подполковниги Марина Кокова, КъМР-ни Парламентини жамауат советлерини члени Газаланы Масхут,  Россей МВД-ны «Нальчик» управлениясыны Къырал автоинспекциясыны жолда къоркъуусуз жюрюуню пропаганда этиу жаны бла инспектору полицияны капитаны Мокъаланы Марьяна, КъМР-ни Муслийманларыны дин управлениясыны председателини болушлукъчусу Анджела Амшокова, Нальчикде «Биринчилени атламлары» биригиуню специалисти Мадина Урусбиева, КъМР-ни Урунуу эм социал къоруулау министерствосуну келечиси Лиана Бачканова келген эдиле. 

Тюбешиуде сёз наркотикле неда адамны психикасына бузукълукъ этген затланы  ичгенле къаллай жууаплылыкъгъа тартыллыкъларын айтхандыла. Сора терроризм жамауатны жашаууна къаллай къоркъуу салгъаныны юсюнден  да баргъанды сёз. 

Жолда жюрюуню жорукъларын бузмасала, тюзю ол болгъанын, билимни магъаналылыгъын да ангылатхандыла жыйылгъан жаш адамлагъа. 

Суратны Мамайланы Алий алгъанды.