Быйыл Къашхатауда  «Къабарты-Малкъарны транспорт системасын комплекс халда айнытыу» программагъа кёре 3,5 километр чакълы бирде  автомобиль жоллагъа тынгылы ремонт этилликди.

Тийишли ишле жылыла келгенлей башланырыкъдыла. Аны кезиуюнде Черкес, Чечен, Къадыр улу, Шогенцуков атлы эм Октябрьская  орамла да мардалагъа келиширча боллукъдула. Алада администрацияны юйю, мектеп, сабий сад, стадион эм башха  магъаналы объектле орналадыла.

 Проектге кёре,  суу баргъан ыз да жангыртыллыкъды, жауун суула саркъырча  арыкъла, быргъыла  эм башха затла да  ишленирикдиле. Андан сора да,  тротуарла,  бордюрла жарашдырыллыкъдыла.  Къоркъуусузлукъну жалчытыугъа да аслам эс буруллукъду. Ол санда кече жарытырча чыракъла, темир буруула тартыллыкъдыла, жорукъуланы билдирген белгиле эм ызла да салынырыкъдыла.

Магометланы Сулейман.