Жаш тёлюню бла сабийлени чыгъармачылыкъларыны дворецинде «Жолда жюрюуню жорукъларына юйретген эм иги устаз» республикалы конкурс бардырылгъанды. Анга къырал автоинспекторла, право низамны  сакълаучула, республиканы районларында билим бериу управленияланы келечилери эм башхала къатышхандыла.

Жыйылыуну къууанчлы халда ачылыуунда сёлешгенле устаз жууаплы иш толтургъанын, ол ёсюп келген тёлюню юйретгенин, жашауларын бу сыйлы ишге жоралагъанларын айтып, алагъа ыразылыкъларын билдиргендиле.

 Конкурс кеси уа юч бёлюмде бардырылгъанды: школгъа дери билим бериу организацияланы, школланы эм къошакъ билим берген учрежденияланы устазлары юлешинип эришгендиле. Ала сынауларын, чыгъармачылыкъларын ачыкълагъандыла,  дерслени бериуде билимлерин кёргюзтгендиле.

 Хар бёлюмде хорлагъанла дипломла эм сертификатла бла саугъаланнгандыла.

Тикаланы Фатима хазырлагъанды.