Бу кюнледе Баксан шахарда штанганы жингириклени бюгюп кёкюрекге дери кётюрюуден «Шимал Кавказны кубогу» деген ачыкъ турнир бардырылгъанды. Анга Нальчикни 33-чю номерли школуну окъуучусу Аппайланы Эмиль да къатышханды. Ол 13-19- жыллыкъланы къауумунда 82,5 килограмм ауурлукъда эришгенди.

Эмиль 92, 5 килограммны алгъанды. Ол анга «алтын» къоллу болургъа онг бергенди. Бу кёрюмдю бла жаш спортну халкъла аралы устасына марданы да тохташдыргъанды.

Аппай улуна 17 жыл болады. Ол «Биринчилени къымылдаууну» да келечисиди, аланы насийхатчылыкъ бла байламлы проектлерине да тири къатышады. Жашны бу жетишими бла «Биринчилени атламлары» битеуроссей организацияны регион бёлюмюню башчысы Аслан Шипшев да алгъышлап, аны бек магъаналы хорламлары алда болгъанларына ийнаннганын чертгенди.  

Таппасханланы Аминат.