Россей Федерацияны субъектлеринде тыш къыралла бла сатыу-алыугъа себеплик этиуню юсюнден видеоконференция халда бардырылгъан кенгешге КъМР-ни экономиканы айнытыу министри Рахайланы Борис, министерствода регионну маркетинги эмда тыш байламлыкъла департаментни башчысы Севиль Богацкая, проектле бёлюмню башчысы Фатима Абазова къатышхандыла.

Кенгешни РФ-ни Промышленность эм сатыу-алыу министерствосуну халкъла аралы кооперация департаментини башчысы Миронов Андрей бардыргъанды. Аны кезиуюнде тийишли миллет проектни эмда быйылгъа белгиленнген борчланы сюзгендиле. Дагъыда халкъла аралы байламлыкълагъа эмда регионлада экспорт жаны бла онгланы айнытыугъа, сора Россейни экспорт арасы тыш къыралла бал сатыу-алыу этгенлеге не бла болушханына энчи эс бургъандыла.

Кенгешде дагъыда жангыртылгъан Регион экспорт стандартны кийириуню юсюнден сёлешгендиле эмда «Тыш къыралла бла сатыу-алыу жумушланы юсюнден информация-аналитика ара» АНО-ну ишинде умутланы ойлагъандыла.

Омарланы Мурат.