2025 гъэм и пэщIэдзэм ирагъэжьа «Къэбэрдей-Балъкъэр Республикэм и ЛIыхъужьхэр» щIэныгъэ программэр илъэсым и кIуэцIкIэ ехъулIэныгъэ-хэр иIэу ирагъэкIуэкIащ. ­КъБР-м и Iэтащхьэм и администрацэмрэ «Эль­брус» корпоратив университетымрэ зэгъусэу къы­зэ­ра­гъэпэща Iуэхум и къалэн нэхъыщхьэр дзэ Iуэху хэхам щыIэхэм, СВО-м и ветеранхэм IэщIагъэ егъэ­гъуэ­тынырщ, унафэщI ­къу­лыкъум хуэгъэхьэ­зы­ры­нырщ. 

2026 гъэм нэхъри зрагъэубгъуну я мурадщ мы лэжьыгъэм. Нэгъабэ Iуэхум хэтахэр IыхьитIу гуэшауэ ирагъэджащ, зауэлIхэм ­къадэлэжьащ IэнатIэ зэмы­лIэужьыгъуэхэм пэрыт цIыху 70-м щIигъу. Ахэр я лIыкIуэщ РАНХиГС президент академием, хабзэгъэув, гъэзакIуэ къулыкъущIапIэхэм, щIэныгъэ IуэхущIапIэхэм, жылагъуэ фонд­хэм. 
Программэм хэтахэм IэщIагъэм зыщыхагъэгъуэзащ министерствэхэм, къалэ, щIыналъэ администрацэхэм. Апхуэдэуи жыджэру хэтащ гъэлъэгъуэныгъэхэм, жылагъуэ мыхьэнэ зиIэ зэIущIэхэм. Ахэр махуэ къэс ящIыгъуащ зрагъэгъуэт щIэныгъэр лэжьыгъэм къыщагъэсэбэпынымкIэ сэбэп къахуэхъу гъэсакIуэхэм.
«Эльбрус» корпоратив университетым и унафэщI Айбазовэ Тамарэ ящIа лэжьыгъэр къыщызэщIи­къуэжым, жиIащ 2026 гъэм программэм и зэхэлъыкIэр нэхъ купщIафIэу зэрыщы­тынур. Псалъэм къыдэкIуэу жыпIэмэ, мы гъэми егъэ­джэныгъэр IыхьитIу зэхэ­лъынущ, стажировкэ ягъэ­кIуэнущ, нэгъабэ къыщхьэ­щыкIыу, «еджакIуэхэм»  Iэ­­мал яIэнущ езыхэм я жэрдэм гъащIэм хапщэну. 
«Дэ дыхэтащ дунейпсо, урысейпсо зэхуэсхэм, ды­щыIащ тхыдэ мыхьэнэ зиIэ щIыпIэ телъыджэхэм. Дяпэ­кIэ абыхэм нэхъри зедгъэубгъуну ди мурадщ», - жиIащ Тамарэ. 
Къыщалъхуа къэралым и мамырыгъэр яхъумэу зауэ губгъуэм ит щIалэгъуалэм гулъытэ хэха хуащI республикэ унафэщIхэм. Абы­хэм ящыщ дэтхэнэми фIыуэ къыгуроIуэ щхьэж ихь жэ­уаплыныгъэр зыхуэдизыр. Ахэращ Урысейм и иджырей тхыдэр зытхыр, къэралым и щIыхьыр зыхъумэр, и шынагъуэншагъэр къызэзыгъэпэщыр. Апхуэдэ щэ­ныфI­хэр зиIэ сэлэтым хэкупсагъэкIэ, щIыналъэм, къэралым и къэкIуэнумкIэ ущыгугъ хъунущ. Абыхэм я зэфIэкIым, хахуагъэм, паша­гъэм нэхъри зиужьы­нымкIэ сэбэп мэхъу прог­рам­мэр. Дзэ Iуэху хэхам къи­кIыжахэм ирагъэлъагъу икIи гурагъаIуэ унафэщI къу­лыкъум и щхьэхуэныгъэмрэ щэхухэмрэ, цIыху­хэм зэрахэтын, зэрепсэ-лъэн хуей щIыкIэхэр. 
Куэд зи нэгу щIэкIа, гъащIэм, зыхэт Iуэхум нэхъ быдэ, Iущ, набдзэгуб­дзаплъэ ищIа щIалэхэм IэщIагъэлI, къулыкъущIэ пажэхэр къазэрищIыкIынум шэч къытрахьэркъым мы программэр къызэзыгъэпэщахэм. Нэгъабэ ирагъэкIуэкIа Iуэхум нэры- лъагъу къищIащ зэпеуэм пхыкIахэм куэдкIэ уащы­гугъ зэрыхъунур. Абыхэм щIыналъэм и социально-экономикэ зыужьыныгъэм хэлъхьэныгъэфI хуащIы­фынущ я акъыл, щIэныгъэ, Iэзагъэм къихьу унафэщI­хэм яхэувэфмэ.
Зи гугъу тщIы программэр егъэджэныгъэ курс ­къудейкъым, атIэ зыщыбужьын, уи къэухьым, Iэзагъым щыхэбгъэхъуэн щIы­пIэ телъыджэщ. Абы хэтыну къыхаххэр Iуэхум, лэжьыгъэм, гъащIэм и пIалъэр фIыуэ зыщIэ щIалэхэрщ. 
КъБР-м и Жылагъуэ Советым хэт Мэзукъэбз Аслъэн зэрыжиIамкIэ, нэгъабэ еджа щIалэхэм я щIы­багъ къыдэлъыр зэхэуэ ­гуащIэхэм зэрыхэтам и закъуэкъым, атIэ жылагъуэ Iуэхуми яхузэфIэкI халъхьэу щытащ зауэм мыкIуэ щIы­кIэ. «Абыхэм ящыщ куэ­дым щIэныгъэ нэхъыщхьэу тIу е нэхъыбэ яIэщ. Апхуэдэхэращ ди щIыналъэми, къэ­рал псоми сэбэпынагъ къахуэзыхьыфынур. Ахэращ хэкупсагъэмрэ лIыгъэмрэ зищIысыр ягъэлъагъуэу утыку итынур, къыдэкIуэтей щIэблэм щапхъэ зытрахынур, Хэкур фIыуэ лъа­гъуныр псалъэ къудей мыхъуу, IуэхукIэ зыгъэлъэгъуэфынур, - жеIэ Аслъэн. 
Нэгъабэ ирагъэджа щIалэхэм дзэ Iуэху хэхар зэ­рекIуэкI пIалъэм къриубы­дэу Урысей Федерацэм и Президентым и УнафэкIэ «И хахуагъэм папщIэ», «И лIыгъэм папщIэ» II нагъыщэ, «ХэкIуадэхэр къы­­зэрыригъэлам пап­щIэ», къэ­рал дамыгъэ лъапIэхэр, ЛIыгъэм и орденыр, Жуковым, Суворовым, Крымский Лука я цIэхэр зезыхьэ медалхэр, «Хэкум и пащ­хьэм щиIэ фIыщIэхэм пап­щIэ» орденым и II нагъы­щэр, Георгий Щихъым и орденым и IV нагъыщэр, нэ­гъуэщI­хэри зы­хуагъэфэ­ща-
хэр яхэтщ. 
«Къэбэрдей-Балъкъэр Рес­публикэм и ЛIыхъужь­хэр» щIэныгъэ программэм мы гъэм хэтыну зи мурадхэм гъуэгуанэ купщIа­фIэ къапэщылъщ, дэтхэнэ зыми и хъуэпсапIэр нэхуапIэ ищIыфыну Iэмалхэр яIэщ.
НэщIэпыджэ  Замирэ.