Къашхатау ГЭС-ге – 15 жыл

14 января, 2026 - 08:15

РусГидро компанияны Къабарты-Малкъарда эм уллу станциясына – Къашхатау ГЭС-ге Озгъан жылны ахыр кюнлеринде онбеш жыл толгъанды. Ол ишлеген кезиуюнде эм азындан 2,5 миллиарддан аслам киловатт-сагъат электрокюч чыгъаргъанды, деп чертгендиле компанияны республикада бёлюмюнде.
Бу станцияны тарыхы Тёбен-Черек ГЭС-лени къауумун къураргъа оноу этилген 1976 жылда башланнганды. Алай проект жаланда 1992 жылда бардырылып тебирегенди. Аны биринчи объекти уа 2002 жылда хайырланыугъа берилген Аушигер ГЭС болгъанды.
Юч жыл озгъандан сора бу къауумну къурулушун РусГидро компания къолгъа алгъанды. Экинчи станцияны – Къашхатау ГЭС-ни 2007 жылда сюеп башлагъандыла. Юч жылдан сора уа ол электрокюч чыгъарып тебирегенди.
Алай бла озгъан онбеш жылны ичинде бу гидроэлектростанция Къабарты-Малкъар Республиканы энергетика жаны бла къоркъуусузлугъун жалчытыугъа, социал-экономика жаны бла айнытыугъа уллу къошумчулукъ этгенди. Аны бла кеси да къыралыбызны бирикген энергосистемасыны айырылмазлыкъ кесеги болгъанды.
Озгъан жайда уа Тёбен-Черек ГЭС-лени къауумуна кирген тёртюнчю объектни – Черек ГЭС-ни хайырланыу башланнганды. Аны кючю 23,4 мегаваттды, кеси да жыл сайын 87 миллион киловатт-сагъат электрокюч чыгъарлыкъды. Ол а эм азындан 25 минг юйню ток бал жалчытыргъа жетерикди.
Энергетикни былтыр 22 декабрьде белгиленнген кюнюнде Тёбен-Черек ГЭС-лени къауумуна РусГидро-ну оноуу бла Къабарты-Малкъар Республиканы биринчи президенти Валерий Мухамедович Коковну аты берилгенди. Анга жораланнган мермер къанганы Черек ГЭС-ни мекямында ачхан эдиле.

Улбашланы Мурат.

  • 7 просмотров

Поделиться:

ЧИТАТЬ ТАКЖЕ:

15.02.2026 - 12:25

Ток ючюн тёлемегенле жууапха тартыллыкъдыла

Кёп болмай «Россети Северный Кавказ»-«Каббалкэнерго» компанияны  Нальчикде бёлюмюню келечилери ток ючюн аслам заманны тёлемей тургъанлагъа токдан кесилирге боллукъларына 102 935 билдириу жибергенди
15.02.2026 - 09:03

Ветеранла билим да, усталыкъ да аладыла

«Къабарты-Малкъар Республиканы жигитлери» деген проект республикада андан ары бардырыла, огъурлу ишин жетишимли тамамлайды.
14.02.2026 - 09:03

Кёрмюч фахмулу суратчыланы бирге жыйгъанды

Бу кюнледе КъМР-ни Миллет музейинде «Гардарика Кавказа» уллу арт-фестивальны чеклеринде суратлау кёрмюч ачылгъанды. Ол Россейни халкъларыны  бирлигини жылына жораланнганды.
13.02.2026 - 09:22

Эски мекямны тышы, ичи да тюрленирикди

Шалушкада амбулатория 1988 жылда ишленнгенди. Андан бери анга бир кере да тынгылы ремонт этилмегенди.
13.02.2026 - 09:21

Заман бла сыналгъан шуёхлукъ

Х.М. Бербеков атлы Къабарты-Малкъар къырал университетде фотоаппарат бла алыннган суратладан къуралгъан «Биз тау жырны эки къанатыбыз» деген кёрмюч ачылгъанды.