|
|
Абдежым къыщежьащ
14 января, 2026 - 08:08
Налшык дэт Музыкэ къэрал театрым щIышылэм и 12-м концерт щекIуэкIащ, Балъкъэрыр урысей къэралыгъуэм зэрыгухьэрэ илъэси 199-рэ зэрырикъум теухуауэ.
Мы тхыдэ Iуэхугъуэр 1827 гъэм щIышылэм и 11-м къэхъуащ, уэркъ унэцIэ зезыхьэ балъкъэр лIыкIуэхэр Урысейм гухьэну лъаIуэу Ставрополь щыкIуам. Пащтыхьыдзэм и унафэщIу Кавказ Ищхъэрэм щыIэ генерал Эммануэль балъкъэр таубийхэм къабгъэдэкI тхьэрыIуэр къищтащ икIи ар пащтыхь Николай II и деж нигъэсащ. Абдеж къыщежьащ балъкъэрхэмрэ урысхэмрэ я зэкъуэтыныгъэр.
Зэхыхьэм зэхуишэсат Къэбэрдей-Балъкъэрым и министерствэхэм, IуэхущIапIэ щхьэхуэхэм я лIыкIуэхэр, щэнхабзэм и цIыхухэр, жылагъуэ лэжьакIуэхэр, республикэм щыпсэухэмрэ абы и хьэщIэхэмрэ.
Театр щIыхьэпIэм щагъэуват балъкъэрхэм я щэнхабзэ хъугъуэфIыгъуэхэр щагъэлъагъуэ дапхъэхэр. Абы хагъэхьащ балъкъэр лъэпкъым сурэтыщI гъуазджэмкIэ иIэ зэфIэкIыр къыщыгъэлъэгъуа «Моя Балкария» выставкэр, декоративно-прикладной гъуазджэм и IэпщIэлъапщIэхэм я IэрыкIхэр.
Балъкъэр лъэпкъым и тхыдэм траухуа концертыр ягъэдэхащ Газаев Алим, Текуев Амур, Габуевэ Зухра, Жубоев Жамболэт, Хъыжьрокъуэ СулътIан, Жаникаев Эльдар, Атмурзаевэ Танзиля, Абэнокъуэ Альмирэ, Габаев Тенджыз, «Балкария» IуэрыIуатэ-этнографие къэфакIуэ ансамблым, «Гордость Кавказа», «Арабеск», «Кабардинка», «Терские казаки» ансамблхэм, КъБР-м и Музыкэ театрым и хорым, нэгъуэщIхэми.
ТЕКIУЖЬ Заретэ.
Сурэтыр Къарей Элинэ трихащ.
 |
|
16.02.2026 - 09:29 Дунейр къызэриухуар апхуэдэущи, зи щIалэгъуэхэм я жыджэрагъым, зэхэщIыкIым, гупсысэм къыгуэхыпIэ имыIэу епхащ дэтхэнэ къэралми и къэкIуэнур: щIэблэ узыншэ, зэхэщIыкI куу зиIэ, щIэныгъэм хуэпабгъэ к |
 |
|
16.02.2026 - 09:28 Налшык къалэм и Къэбэрдей уэрамым и лъэс зекIуапIэм, Тхылъыр фIыуэ зылъагъухэм я зэгухьэныгъэм и гупэм къит арт-ухуэныгъэм, усакIуэ, зэдзэкIакIуэ, Къэбэрдей-Балъкъэрым и Къэрал саугъэтыр зыхуагъэ |
 |
|
15.02.2026 - 12:25 УсакIуэшхуэ Пушкин Александр и фэеплъ махуэм и щIыхькIэ, Налшык дэт библиотекэхэм щекIуэкIащ ар щагъэлъэпIа Iуэхугъуэ зэхуэмыдэхэр: пшыхьхэр, зэIущIэхэр, тхылъеджэхэр, гъэлъэгъуэныгъэхэр, театр |
 |
|
15.02.2026 - 09:03 Хьэмидей къуажэм (Тэрч район) дэт ЩэнхабзэмкIэ унэм и «Шабзэ» къэфакIуэ гупым япэ увыпIэр къыщихьащ Краснодар къалэм иджыблагъэ къэрал куэдым я лIыкIуэхэм хэту щекIуэкIа «Созвездие талантов» XI зэп |
 |
|
14.02.2026 - 09:03 ГъащIэр щымамырми зэман нэхъ гугъухэми радиор цIыхум сыт щыгъуи и сэбэпу къекIуэкIащ, хъыбар Iэригъэхьэу, и гур къызэщIигъэушэу. Гъэ къэс мазаем и 13-м ягъэлъапIэ Радиом и дунейпсо махуэр. |
|
