|
|
Iулъхьэм зэрыпэщIэтыр
12 января, 2026 - 05:56
Къэрал кIуэцI IуэхухэмкIэ министерствэу КъБР-м щыIэм щекIуэкIа зэIущIэм щагъэнэIуащ коррупцэм пэщIэтынымкIэ я лэжьыгъэм кърикIуахэр.
КъБР-м щыIэ МВД-м я щхьэ шынагъуэншагъэмкIэ оперативно-къэлъыхъуэныгъэ къудамэм и унафэщIым и къуэдзэ, полицэм и подполковник Машокъуэ Анзор къыщыпсалъэм тригъэщIащ я лэжьакIуэхэр къыхэхыным икIи къалэным пэрыгъэувэным мыхьэнэшхуэ зэриIэм, жиIащ щIэпхъаджагъэ зи гуращэ- хэр хабзэхъумэхэм я сатырхэм хэбгъэхьэ зэрымыхъунур. Апхуэдэуи къыхигъэщащ оперативно-къэлъыхъуэныгъэ, профилактикэ Iуэхухэр коррупцэм пэщIэтынымрэ я шынагъуэншагъэр къызэгъэпэщынымрэ зэрыщыщыр.
Къэбэрдей-Балъкъэрым щыIэ МВД-м Экономикэ шынагъуэншагъэмрэ коррупцэм пэщIэтынымкIэ и управленэм и къудамэм и унафэщI, полицэм и подполковник Щоджэн Анзор жиIащ республикэ МВД-м и къудамэхэм мы илъэсым коррупцэм ехьэлIа щIэпхъаджагъэ 181-рэ къызэрыщIагъэщар. Абы хиубыдэу щIэпхъаджагъэ хьэлъэхэр зылэжьа цIыху 77-рэ уголовнэ жэуапым ирашэлIащ. Къыхигъэщащ а къудамэм и оперативнэ IэнатIэхэм я лэжьыгъэр коррупцэм пэщIэтыным, хэхауэ къэрал властымрэ щIыпIэ управленэмрэ ахэр къыщымыгъэхъуным зэрыхуэунэтIар, ар зэрыгугъур икIи куэд къызэрызэщIиубыдэр.
КъБР-м щыIэ МВД-м и УГИБДД-м кIэлъыплъыныгъэ-профилактикэ лэжьыгъэмкIэ и IэнатIэм и унафэщI, полицэм и майор Ким Владимир жиIащ илъэсыр къызэрихьэрэ я лэжьакIуэхэр коррупцэ хабзэншагъэ ялэжьыным хашэну 12-рэ зэрыхэтар. Къыхигъэщащ плъыр автомашинэхэр видеорегистраторхэмкIэ къызэрызэгъэпэщар.
Къэбэрдей-Балъкъэрым щыIэ МВД-м и къулыкъур езыхьэкIхэм ядэлэжьэнымкIэ и управленэм къегъэбыдылIа инспекцэм пщэрылъ хэхамкIэ и инспектор нэхъыжь, полицэм и капитан Алборэ Тимур къытеувыIащ я IэнатIэм пыухыкIауэ къегъэщIылIа къалэнхэм.
- Коррупцэм къэралым и экономикэ, социальнэ зыужьыныгъэм хэщIыныгъэшхуэ ирет, жылагъуэ хабзэр къызэпеуд. Ар щымыIэн папщIэ къэралыр, граждан жылагъуэ институтхэр зэгъэуIуауэ зэдэлэжьэн хуейщ, - къыхигъэщащ Алборэм.
Брифингым и кIэухым спикерхэм журналистхэм я упщIэхэм жэуапхэр иратащ.
ДЫГУЛЫБГЪУ Жантинэ.
 |
|
16.02.2026 - 09:28 Налшык къалэм и Къэбэрдей уэрамым и лъэс зекIуапIэм, Тхылъыр фIыуэ зылъагъухэм я зэгухьэныгъэм и гупэм къит арт-ухуэныгъэм, усакIуэ, зэдзэкIакIуэ, Къэбэрдей-Балъкъэрым и Къэрал саугъэтыр зыхуагъэ |
 |
|
15.02.2026 - 12:25 УсакIуэшхуэ Пушкин Александр и фэеплъ махуэм и щIыхькIэ, Налшык дэт библиотекэхэм щекIуэкIащ ар щагъэлъэпIа Iуэхугъуэ зэхуэмыдэхэр: пшыхьхэр, зэIущIэхэр, тхылъеджэхэр, гъэлъэгъуэныгъэхэр, театр |
 |
|
15.02.2026 - 09:03 Хьэмидей къуажэм (Тэрч район) дэт ЩэнхабзэмкIэ унэм и «Шабзэ» къэфакIуэ гупым япэ увыпIэр къыщихьащ Краснодар къалэм иджыблагъэ къэрал куэдым я лIыкIуэхэм хэту щекIуэкIа «Созвездие талантов» XI зэп |
 |
|
14.02.2026 - 09:03 ГъащIэр щымамырми зэман нэхъ гугъухэми радиор цIыхум сыт щыгъуи и сэбэпу къекIуэкIащ, хъыбар Iэригъэхьэу, и гур къызэщIигъэушэу. Гъэ къэс мазаем и 13-м ягъэлъапIэ Радиом и дунейпсо махуэр. |
 |
|
14.02.2026 - 09:03 ЩIэблэм щадэмылажьэ, абыхэм я зэхэщIыкIымрэ дуней лъагъукIэмрэ зрагъэужьын щхьэкIэ хэкIыпIэ щхьэхуэхэмрэ бгъэдыхьэкIэ хэхахэмрэ щызэрамыгъэпэщ лъэхъэнэ зэи щыIакъым. |
|
