«Урысейм Абхъаз Республикэмрэ Осетие Ипщэ Республикэмрэ щхьэ­хуиту къызэрилъытэрэ илъэсипщI зэрырикъур шыщхьэуIум и 26-м Сыхъумрэ Цхин­валрэ щагъэлъапIэ. Абы мыхьэнэшхуэ иIэщ хэгъэгуитIыр ­дунейпсо ­хуитыныгъэ зиIэ къэралы­гъуэу зэры­зэфIэувамкIэ.
БлэкIа илъэсхэм Урысей Федерацэм и дэIэпыкъуныгъэкIэ республикэхэм зэхъуэкIыныгъэфIхэр щекIуэ­кIащ социально-экономикэ зыу­жьыныгъэм ехьэлIауэ, нэхъы­щхьэ­ращи, щIыналъэм мамырыгъэрэ зэпIэзэрытыныгъэрэ щы­зэфIоувэ.
Абхъазыр, Осетие Ипщэр, Къэбэрдей-Балъкъэрыр куэд щIа­уэ ны­б­жьэгъугъэкIэ, зэдэIэпыкъу­ныгъэкIэ ­зэпхащ, экономикэ зэгурыIуэ­ны­гъэхэр зэращIылIащ.
Къэбэрдей-Балъкъэрым и Парламентым, Правительствэм, ди щIыналъэм щыпсэу­хэм, си щхьэм къабгъэдэкIыу со­хъуэхъу Абхъаз Республикэм и Президент Хаджимбэ Раул­рэ Осетие Ипщэ Республикэм и Президент Бибилов Анатолийрэ. Ехъу­лIэныгъэрэ зыу­жьыныгъэрэ, ­мамырыгъэрэ ефIэкIуэныгъэрэ ди ­къуэш лъэпкъхэм яIэну ди гуапэщ», - итщ хъуэхъу тхылъым.