Бусагъатда Президентибиз Владимир Владимирович Путин жыл сайын бардырыучу Тюзюнлей ызын башлагъанды, деп билдиреди КъМР-ни Башчысы Казбек Коков МАКС каналда.

Къырал  башчыбызгъа тюрлю-тюрлю темалагъа жоралап Россейде жашагъанла соруула берирге боллукъдула.

Президентибизни  Тюзюнлей ызы башланнгынчы ары 2,5 миллиондан аслам соруу тюшгенди. Озгъан жылдача операторла аслам эсни энчи аскер  операциягъа къатышханлагъа эм ветеранлагъа бурадыла. 

Владимир Владимирович андан сора да россейли эм тыш къыраллы асламлы информация органланы келечилерини магъаналы сорууларына жууапла берликди.  «Владимир Путин бла жылны кёрюмдюлери» деген Тюзюнлей ызгъа республиканы битеу министерстволары бла ведомстволары эм муниципал администрациялары жерлеринде ишлерикдиле, айтылгъан соруула болсала, жууапла берирге хазыр болуп турлукъдула.

 Бизни республикадан баргъан соруула эфирге тюшмеселе да, аланы эсге алып, андан ары тийишли оноула этилликдиле, деп айтылады республиканы оноучусуну билдириуюнде.