Хэкур зыхъумэхэм Iэрагъэхьэнущ

15 декабря, 2025 - 11:01

Урысей ФСИН-м и управленэу КъБР-м щыIэм и унафэщIым и жэрдэмкIэ, я нэIэм щIэт IуэхущIапIэхэм я лэжьакIуэхэм я сабийхэм сурэт щIынымкIэ я зэпеуэ ирагъэкIуэкIащ Хэкум и лIыхъужьхэм я махуэм ирихьэлIэу. Зэхьэзэхуэр гупитIу гуэшауэ щытащ илъэси 3 - 8, илъэси 9 - 14 хъухэр хэту.

 «Zа наших героев» фIэщыгъэр зиIэ зэпеуэм щагъэлъэгъуащ лэжьыгъэ 50, абы и ныкъуэр илъэсыщIэм хуэгъэпсат. СурэтыщI ныбжьыщIэхэм я IэдакъэщIэкIхэм иплъагъуэрт дзэ Iуэху хэхам и лIыхъужьхэр, дзэ техникэхэр. 
Жюрим псори зэпилъытри, нэхъыфIхэр къыхихащ. 
Япэ гупым IэдакъэщIэкI нэхъыфIу къыщалъытащ илъэсибл хъухэу Куэт Элинэрэ (СИЗО -1) (ИК-3) Шал Амелиерэ, илъэсий зи ныбжь Къармокъуэ Бэлэ (МСЧ-7) сымэ ягъэхьэзырахэр.
 ЕтIуанэ гупым текIуэныгъэр щыхуагъэфэщащ илъэс 13 зи ныбжь Ульбашев Марат (КП-5), илъэсибгъу хъу Гутаев Хьэсэн (ИК-3), илъэс 14 зи ныбжь пщащэ Быгуэ Амалие (СИЗО-1) сымэ. 
ТекIуахэм саугъэтхэр яIэщIилъхьащ Урысей ФСИН-м и Управленэу КъБР-м щыIэм и унафэщI Демидов Александр. Къэрал кIуэцI къулыкъум и полковникым ныбжьыщIэхэм фIыщIэ яхуищIащ я жыджэрагъым папщIэ икIи къыхигъэщащ я IэдакъэщIэкIхэр Къэбэрдей-Балъкъэрым щыщу дзэ Iуэху хэхам хэту Хэкур зыхъумэхэм зэрыхуашэнур.  

БАХЪСЭН Ланэ.

  • 2 просмотра

Поделиться:

ЧИТАТЬ ТАКЖЕ:

23.01.2026 - 09:44

IэщIагъэм и фIагъыр зэхащIыкIмэ...

Лосэн Хьэмидбий ­КъБКъУ-м электроникэмкIэ, робототехникэмрэ зэ­хэщIыкI Iэ­ры­щIымкIэ и институтым электроникэмрэ бжыгъэ техноло­гиехэмкIэ и кафедрэм и егъэджакIуэ нэхъыжьщ.
23.01.2026 - 09:43

Пэрытхэр студентхэм яхохьэ

Иджыблагъэ Iуащхьэмахуэ лъапэ щекIуэкIащ КъБР-м и еджапIэ нэхъыщ­хьэхэмрэ колледжхэмрэ щIэсхэм я зэIущIэ.
23.01.2026 - 09:42

Нартыху бзийм и щэхухэр

КъБР-м ЦIыхубэ IэпщIэлъап­щIагъэмрэ IэпэIэсагъэмкIэ и цент­рым декоративно-прикладной ­гъуазджэм щыщ лэжьыгъэхэр ­щагъэлъагъуэ, «Ремесел древних новизна» грант Iуэхум хыхьэу.
22.01.2026 - 10:01

Къэрал мыхьэнэ зиIэ гъуэгу

Къэбэрдей-Балъкъэрым и транспорт инфраструктурэм мыхьэнэ ин щызыубыд, къэрал мыхьэнэ зиIэ и автомобиль гъуэгухэм хыхьэ Новопавловск – Прохладнэ – Мэздэгу трассэр Солдатскэ гъущI гъуэгум деж щыщхьэп
22.01.2026 - 10:01

Лъэпкъ хабзэхэм я дерс

Къэбэрдей-Балъкъэрым къ­ы­щызэ­Iуа­хащ республикэм  щыпсэу лъэпкъхэм я щэнхабзэмкIэ еджапIэ. «Къонакъым» и япэ зэIущIэм хэтащ Налшык къалэм дэт гимназие №14-м и 7-нэ классхэм щIэсхэр.