Сурат 1963-1964 жыллада Кёнделенде Кыкын туруучу биченликде алыннганды. Солдан-онгнга: Диналаны Хасан, Доттуланы Мустафа, Къочхарланы Масхут, Магълуланы Зулкъарний, Текуланы Адам, Диналаны Алий, Текуланы Хызыр, Текуланы Юсюп,  Жантууланы Муталиф.

Магълуланы Зулкъарний жыйын башчы эди. Ортада сюелген жашчыкъ аны туудугъуду. Ол а челекчиди. Челекчини ким болгъанын  шёндю кёпле да биле болмазла. Алгъын хар чалгъычы жыйында болгъанды аллай бир жаш адам. Ол юзмезни жуууп, ууагъын къоюп, аны чалгъычылагъа бергенди. Ала уа аны къалакъларына жагъып, чалгъыларын билегендиле. Хырпинден да чалгъыны ол бек жютю этеди дейдиле.

Кёнделенде къауум чалгъычы жыйын бар эди. Жаш тёлю, орта жыл санлыла кеслери энчи чала эдиле. Суратдагъыла уа абадан къауумдула. Ала Кыкын туруучу жерни чалып, биченин колхозгъа ётдюргендиле. Аны ючюн колхоз алагъа Жашар къолну бергенди. Анда ишлеген биченлерин а кеслерине  юлешгендиле.

Османланы Хыйса.