Псалъэ гуапэхэмкIэ захуегъазэ

Урысей ФСИН-м и управленэу КъБР-м щыIэм ще­кIуэкIащ Уголовнэ-гъэзэщIакIуэ IэнатIэм и ветеранхэм я махуэм хуэгъэпса Iуэхухэр. 

Илъэс куэдкIэ къулыкъум щылажьэу загъэпсэхуну тIысыжахэм псалъэ гуапэхэмкIэ захуигъэзащ УФСИН-м и унафэщIым. Демидов Александр къыхигъэщащ IэнатIэм и ветеранхэм хабзэ дахэхэр зэрызэтраухуар, офицерхэм я щIэблэщIэм абы зэрыпащэр. Къэрал кIуэцI ­къулыкъум и полковникым зэрыжиIащи, УИС-м и ветеранхэр Хэку хуэлэжьащ сыт щыгъуи.
- Фэ фщыщ куэд ноби сэбэпышхуэ къытхуохъу, жыджэру хэтщ Управленэм и жылагъуэ гъащIэм, щIалэгъуалэр псэкупсэу гъэсэным елэжьу, - къыхигъэщащ абы.
Илъэс куэдкIэ зэрылэжьам папщIэ Демидов Александр ветеран зэщIэхъееныгъэм хэтхэм яритащ «За отличие» II нагъыщэ медалхэр, щIыхь, фIыщIэ тхылъхэр. Абыхэм я махуэшхуэмкIэ ехъуэхъуащ Къэбэрдей-­Балъкъэрым и УИС-м и ветеранхэм я советым и тхьэмадэ Сасыкъ Анзор.
АдэкIэ Iуэхум къыпащащ концерткIэ. Къызэхуэсахэр зэщIаIэтэу утыкур ягъэбжьыфIащ «Мелодия добра» псапащIэ фондым и артистхэм. КъыкIэлъыкIуэ макъамэ тыгъэр къыбгъэдэкIащ Налшык дэт еджапIэ №7-м «Путь к успеху» полицэм и кадет классым и гупым. Апхуэдэуи УИС-м и ветеранхэм папщIэ уэрэдхэр ягъэзэщIащ КП-5-м и бухгалтер Нартщауэ Джамилэрэ ИК-3 частым и мафIэсгъэункIыфI нэхъыжь Гъазэ Русланрэ. 

БАХЪСЭН  Азэмэт.

Поделиться:

ЧИТАТЬ ТАКЖЕ:

17.11.2026 - 09:34

Хэкупсэ гъэсэныгъэр япэ ирагъэщ

Дыгъуасэ лэжьыгъэ IуэхукIэ Налшык щыIащ Урысейм и Президентым и полномочнэ лIыкIуэу Кавказ Ищхъэрэ щIыналъэм щыIэ Чайкэ Юрий.

17.11.2026 - 09:28

Гугъэрэ гукъинэрэ зиIэр цIыхущ

Лэскэн районым и Хьэтуей къуажэм зэхыхьэ щхьэпэ щызэхашащ.

17.11.2026 - 09:27

Лъэпкъхэм я лIыхъужьхэр

КъБКъУ-м щокIуэкI «Герои мифов и легенд народов России» гъэ­лъэгъуэныгъэр. 

16.11.2026 - 09:22

Адыгагъэр, цIыхугъэр, хабзэр и лъабжьэу

Къызэрызэрагъэпэщрэ мы гъэм илъэс 21-рэ ирокъу Ставрополь къалэм щызэхэт «Адыгэхэр» щэнхабзэ центрыр.

15.11.2026 - 10:01

Дэтхэнэм дежкIи мыхьэнэшхуэ иIэщ

КъБР-м и Iэтащхьэ КIуэкIуэ Казбек хэтащ КъБР-м и Суд Нэхъыщхьэм и УнафэщIу ягъэува Дегтярев Игорь республикэм и судыщIэхэм щрагъэцIыхуа зэIущIэм.