МЧС-ни регионда бёлюмюню келечилери Нальчикде шёндюгюлю пятиборьени арасында от тюшюуге къажау къаллай мадарла этилгенлерине къарагъандыла. Профилактика ишле мекямда бу жаны бла къоркъуусузлукъну кючлендирир мурат бла тамамланыладыла.

Тамата инспектор Тамерлан Алоев, мекямланы быллай къауумларына къаллай излемле салыннганларын билдире, аны ишчилери бла ангылатыу ушакъла бардыргъанды эмда аланы сорууларына жууапла бергенди. Энчи эс жыйылгъанла къутхарыу жолла излемлеге келишгенлерин бла къалгъанларын, зат къабынса, аны ёчюлтюрча суу баргъанына таплыкъларын тохташдырыугъа бёлгендиле. Андан тышында, сынау халда от тюшгенни таууш этип билдирген аппаратны да ишлетип кёргендиле. Ызы бла инспекторла арада от тюшюуге къоркъуусузлукъну сакъларча буйрукълары бла къагъытланы жюрютюуню юсюнден эсгертиуле этгендиле.

- Профилактика халда тинтиулени мыраты ангылатыула, эсгертиуле этергеди. Былайда баш магъаналы борч адамла аслам жыйылгъан жерлени жорукълагъа келишдириргеди, - дегенди Тамерлан Алоев.

Кульчаланы Зульфия.