Къашхатауда Сабий эм жаш тёлю чыгъармачылыкъны арасында Тигиу этерге юйретген школ  ишин бардырады. Аны къурагъан Тогъузаланы Мариям башлагъан ишине жюреги бла берилип, ары жюрюген къызчыкъланы миллет кийимлерибизге ушагъан жыйрыкъла тигерге, накъышла салыргъа юйретеди. Къумачны бичиуден башлап, жыйрыкъ хазыр болгъунчу дери – хар нени ангылатханлай турады. Малкъар халкъда жюрюген накъышланы бла миллет тамгъаланы хазырлаугъа уа мында энчи магъана бериледи. Сохтала юйлеринде соруп, кеси белгилерин къумачлагъа тюшюрюрге сюедиле 
- Тарыхыбызны билирге керекбиз. Ол тюненебизни бла тамблабызны байлашдыргъан ызды. Аны мен сохталарыма да ангылатыргъа итинеме, - дейди педагог. 
Битеу бу затланы эсде тута, фахмулу къызчыкъла чыгъармачылыкъларында миллетибизни энчилигин белгилеген шартланы хайырланадыла. «Школда» дерсле сейир ётерлерине барысы да уллу къыйын саладыла. Тигилген жыйрыкъланы кёргюзтюу башхагъа ушамагъан чемерлигин ачыкълагъан тюрлю-тюрлю конкурсла да бардырыладыла. Алай бла быйылны башында «Жылны эм иги таулу къызы» деген эришиу ётген эди. Анда ала, къол усталыкълары бла бирге, аш-суу хазырлаугъа хунерлерин, бош заманларында не бла сюйюп кюрешгенлерин да ачыкълай, абадан тёлюден аперимлик алгъандыда. 
Сабий эм жаш тёлю чыгъармачылыкъны арасы бу проект бла бек ёхтемленеди. Ол мындан ары да ишин бардырып турур деп ышанабыз.