Кёп болмай Минеральные Воды шахарда Шимал-Кавказны  стоматологларыны конгресси болгъанды. Аны Ставропольну къырал медицина  университети бла Россейни Стоматологларыны  ассоциациясы къурагъандыла.  Анга Къабарты-Малкъарны саулукъ сакълау министрини  башчылыгъында  республиканы   тишлеге бакъгъан  поликлиникаларыны келечилери да къатышхандыла,  деп билдириледи КъМР-ни Салукъ сакълау министерствосуну  пресс-службасындан. 

Бу жол форумгъа  Ставрополь крайны бла  Шимал-Кавказны республикаларындан жюзле бла белгилиги стоматологла келгендиле. Аны магъанасы  билимлерин, сынамларын ёсдюрюрге, бёлюмде жангычылыкъла бла шагъырейленирге, ол санда  бюгюннгю  технологияланы  бла   оборудованияны кёрмючюне къараргъа эм байламлыкъла  къураргъа.

Ишчи программагъа кёре тюбешиуле да ётгендиле. Аланы кезиуюнде  эллиден артыкъ  спикер бюгюнлюкде стоматологланы жарсытхан сорууланы сюзгендиле. Республикадан баргъан къауумну атындан  Рустам Калибатов  СКФО-ну илму-билим бериу  медицина кластерни  координация  советини кенгешине къатышханды.
Форумну ахырында   стоматология бёлюмню  айнытыугъа эм  "Дентима Минводы"  кёрмючню бардырыугъа да къыйын салгъаны ючюн Рустам   тийишли болгъанды.
Магометланы Сулейман хазырлагъанды.