Бу кюнледе Басхан  районну  сабанчылары мирзеулюк нартюхню тирлигин оруп бошай турадыла. Алай бла ишле 16 837 гектардан 15 минг гектарда тамамланнгандыла, деп билдиреди республиканы Эл мюлк министерствосуну пресс-службасындан.

Районну мюлклерини асламысында  бир гектардан 73 центнер  аладыла.  Былтыр бу заман бла тенглешдиргенде, ол 5 процентге кёпдю. Саулай алып айтханда, бюгюнлюкде нартюхден 109 573 тонна жыйылгъанды.  

Мюлклени асламысында кесибизде чыгъарылгъан сынамлы эм   бай тирлик берген  нартюхлени  урлукъларын  хайырланадыла. Ол шарт районда  агропромышленный комплексни айнытыугъа энчи эс бурулгъанын ачыкълайды. Аны бла бирге агротехнологияла жаны бла алчы амалла да тири хайырланадыла.

Арт жыллада районда 38 мюлкде неда 3445 минг гектарда жауун халда сугъаргъан машинала жарашдырылгъандыла. Аны себеплиги бла бюгюнлюкде бир гектардан 92,5  центнер алырча мадар этилгенди. Бусагъатда жангы технологияланы Кременчуг-Константиновское, Псыхурей, Баксанёнок эм Куба элледе да тири сингдиредиле. 

Магометланы Сулейман.