Быйыл жылны башындан бери  «Каббалкэнерго» биригиуню  1 545 чакълы специалисти  электрокюч жаны бла  билим бериу учреждениялада  тийишли курсланы ётгендиле, деп билдиредиле электрокюч бла жалчытхан биригиуню пресс-службасындан.

Курсантла  ток  ызлагъа, подстанциялагъа, эсеплеген приборлагъа эм башха затлагъа да ремонт этерге юйреннгендиле. Аны бла бирге жорукъланы унутмазгъа  эм биринчи болушлукъ эте билиуге аслам эс берилгенди. Ол санда бу жол   1000 Вольт электрокюч объектлеге токну ёчюлтмей ремонт этерча сынауладан  ётгендиле.  Аллай амал жангы излемлеге келишеди.  Аны баш магъанасы  ремонт ишлени эм башха жумушланы кезиуюнде да   хайырланыучула жунчумазча этергеди.    

 - Кадрланы тохтаусуз билимлерин ёсдюрюу  компанияны баш борчларындан бирине саналады.  Билимли эм  сынамлы  специалистле,   къыйын болумлада   жунчумай борчларын толтураллыкъдыла,- дегенди   «Россети Северный Кавказ» и  «Каббалкэнерго» биригиуню таматасы   Резуан Загаштоков.

Эсге сала айтсакъ, жылны ахырына дери курсланы энтта да 87 ишчи ётерге керекдиле.

Магометланы Сулейман.