Кавказ Ищхъэрэм статистикэмкIэ и управленэм къызэритамкIэ, 2025 гъэм и мазибгъум къриубыдэу Къэбэрдей-Балъкъэрым ерыскъыхэкIхэмкIэ и промышленнэ индексыр проценти 102,2-рэ хъуащ. Псом хуэмыдэу хэхъуэ щыIэщ IэфIыкIэмкIэ, тхъуцIынэмкIэ, шэ зэфэмкIэ, шатащхъэмкIэ, кхъуеймрэ кхъуейлъалъэмкIэ, щIакхъуэмрэ щIакхъуэхэкIымкIэ, пхьэщхьэмыщхьэ консервхэмкIэ, IусыпхъэхэмкIэ.

Къапщытэж пIалъэм къриубыдэу псыхэкIыу къыщIагъэкIам и куэдагъым проценти 118,1-кIэ хэхъуащ. Абы хохьэ спиртыр, фадэ лIэужьыгъуэхэр, шагъырыр, псыIэфIыр.

2025 гъэм и щIышылэм – фокIадэм къриубыдэу Къэбэрдей-Балъкъэрым и мэкъумэш, фермер, уней IуэхущIапIэхэм, унагъуэхэм зэхэту къыщIагъэкIащ мэкъумэш продукцэу сом мелард 61-рэ и уасэ икIи нэгъабэ и апхуэдэ пIалъэм щыIа бжыгъэхэм нэхърэ проценти 5,5-кIэ ар нэхъыбэщ.

Дызэрыт илъэсым жэпуэгъуэм и 1-м ирихьэлIэу хьэцэпэцэр къанэ щымыIэу республикэм щаIуащ. Нартыху жылапхъэр, сэхураныр, кIэртIофыр, хадэхэкIыр иджыпсту кърахьэлIэж.

Республикэм и мэкъумэш IуэхущIапIэхэм псоми зэхэту гъавэу (нартыхур хэмыту) къытрахыжащ тонн мин 313,5-рэ, нэгъабэ и апхуэдэ пIалъэм яхузэфIэкIам нэхърэ процент 16,8-кIэ ар нэхъыбэщ. Нартыху жылапхъэу Iуахыжащ тонн мин 508,9-рэ: 2024 гъэм жэпуэгъуэм и 1-м ирихьэлIэу яхузэфIэкIам нэхърэ процент 15,8-кIэ нэхъ мащIэщ ар.

А пIалъэм къриубыдэу сэхурану яIуащ тонн мин 22,5-рэ (процент 32,6-кIэ нэхъыбэщ), кIэртIофу къатIыжащ тонн мини 150,4-рэ (проценти 4,4-кIэ нэхъыбэщ), хадэхэкIыу зэщIакъуэжащ тонн мин 319,8-рэ (процент 24,8-кIэ нэхъыбэщ).

2025 жэпуэгъуэм и 1-м ирихьэлIэу мэкъумэш, фермер, уней IуэхущIапIэхэм, унагъуэхэм зэхэту Iэщ щхьэ бжыгъэрэ джэдкъазу яIыгъам ящыщу мин 273-р Iэщышхуэщ (нэгъабэ и апхуэдэ пIалъэм – мин 272,7-рэ хъуащ), абы щыщу мини 139,9-р жэму (нэгъабэ щыIа бжыгъэм хуэдизщ). Кхъуэуэ яIыгъащ мини 2,1-рэ (мини 4,1-рэ), мэлрэ бжэну мин 437,5-рэ (мин 424,8-рэ), джэдкъазу мелуани 4,8-рэ (мелуани 4,6-рэ).

Iэщ щхьэ бжыгъэрэ джэдкъазу республикэм щыIэм щыщу Iэщышхуэм и процент 72,6-р унагъуэхэм къалъос: абы щыщу жэмым и процент 68,3-р, кхъуэм и процент 95,1-р, мэлымрэ бжэнымрэ я процент 37,3-р, джэдкъазым я процент 37,3-р.

2025 гъэм и щIышылэм – фокIадэм къриубыдэу Къэбэрдей-Балъкъэрым и мэкъумэш, фермер, уней IуэхущIапIэхэм, унагъуэхэм зэхэту лырэ джэдкъазылу (псэууэ шэчауэ) къалэжьащ тонн мин 92,6-рэ е нэгъабэ и апхуэдэ пIалъэм яхузэфIэкIам нэхърэ проценти 8,7-кIэ нэхъыбэу. Гъэшу къашащ тонн мин 409,9-рэ (процент 0,5-кIэ нэхъыбэщ), джэдыкIэу кърахащ мелуани 173,8-рэ (процент 1,5-кIэ нэхъыбэщ).

Къапщытэж пIалъэм къриубыдэу мэкъумэш IуэхущIапIэхэм лырэ джэдкъазылу къалэжьар процент 19,9-кIэ, джэдыкIэу кърахар проценти 5,3-кIэ нэхъыбэщ нэгъабэ яхузэфIэкIам нэхърэ, гъэшу къашар проценти 7,3-кIэ нэхъ мащIэщ.

2025 гъэм и щIышылэм – фокIадэм республикэм и мэкъумэш IуэхущIапIэхэм гъэшу къашащ тонни 5,7-рэ. Нэгъабэ и апхуэдэ пIалъэм тонни 6,1-рэ хъууэ щытащ ар.

2025 гъэм и щIышылэм - шыщхьэуIум розницэ сатум псори зэхэту сом мелард 218,5-рэ къыпэкIуащ е нэгъабэ и апхуэдэ пIалъэм щыIа бжыгъэхэм проценти 107,1-кIэ хуэкIуэу (иджыпсту къекIуэкI уасэхэм ятещIыхьауэ).

Розницэ сатууэ зэрагъэкIуэкIам и процент 52,9-р сату щIыпIэ инхэмрэ уней IуэхущIапIэхэмрэ къалъысащ, бэзэрхэмрэ жармыкIэхэмрэ хэмыту - абыхэм процент 47,1-р ейщ. 2025 гъэм и щIышылэм – шыщхьэуIум розницэ сатууэ псори зэхэту ящIар зэпэщхьэхуэу къэбгъэлъагъуэмэ, ерыскъыхэкIхэм процент 49,7-р яубыдащ, ерыскъыхэкIыу щымыт хьэпшыпхэм - процент 50,3-р.

А пIалъэм къриубыдэу республикэм и цIыхухэм ерыскъыхэкIыу иращащ сом меларди 108,7-рэ и уасэ. Ар проценти 5,8-кIэ нэхъыбэщ нэгъабэ и апхуэдэ пIалъэм яхузэфIэкIам нэхърэ. ЕрыскъыхэкIыу щымыт хьэпшыпу зэрагъэкIуэкIам проценти 8,3-кIэ хэхъуащ е сом меларди 109,8-рэ и уасэ ящащ. 2025 гъэм фокIадэм и 1-м ирихьэлIэу сату щIыпIэхэм зэгъэтIылъэкIауэ яIащ псори зэхэту сом меларди 5,2-рэ и уасэ хьэпшып.

 Мы гъэм шыщхьэуIум и 1-м ирихьэлIэу щыIам нэхърэ процент 0,4-кIэ нэхъ мащIэщ е проценти 6,6-кIэ нэхъыбэщ нэгъабэрейм. Дызэрыт илъэсым и щIышылэм – шыщхьэуIум къриубыдэу республикэм и шхапIэхэм - ресторанхэм, кафехэм, псоми зэхэту сом мелард 12,1-рэ хэхъуэу яIащ е 2024 гъэм и апхуэдэ пIалъэм яхузэфIэкIам нэхърэ проценти 119,9-кIэ хуэкIуэу.

ЗэкIэ къызэрабжамкIэ, республикэм и цIыхухэм хуащIащ пщIэ зыщIат Iуэхутхьэбзэу сом мелард 51,8-рэ и уасэ е 2024 гъэм и щIышылэм – шыщхьэуIум щыIа бжыгъэхэм проценти II0,9-кIэ хуэкIуэу. Iуэхутхьэбзэ зэхуэмыдэу унагъуэхэм хуащIащ сом меларди 8,7-рэ и уасэ е нэгъабэ и апхуэдэ пIалъэм щыIа бжыгъэхэм проценти 122,7-кIэ хуэкIуэу.

Республикэм и цIыхухэм псори зэхэту хуащIа Iуэхутхьэбзэхэм я процент 71,3-р хьэрычэт IэнатIэ мащIэм хыхьэхэм къалъос. ПщIэ зыщIату цIыхухэм нэхъыбэу хуащIар псэупIэ-коммунальнэ Iуэхутхьэбзэхэрщ - процент 26,4-рэ, унагъуэхэм хуащIа Iуэхутхьэбзэ зэхуэмыдэхэр - процент 16,8-рэ, транспорт Iуэхутхьэбзэхэр - процент 15,7-рэ, телекоммуникацэм пы щIахэр - процент 11,8-рэ мэхъу. 2025 гъэм и щIышылэм – шыщхьэуIум къриубыдэу, нэгъабэ и апхуэдэ пIалъэм елъытауэ, ветеринар Iуэхутхьэбзэхэм процент 44,6-кIэ хэхъуащ, унагъуэхэм хуащIэ Iуэхутхьэбзэ зэхуэмыдэхэм - процент 22,7-кIэ, коммунальнэ Iуэхутхьэбзэхэм - процент 16,9-кIэ, медицинэ Iуэху тхьэбзэхэм - процент 14,1-кIэ, санаторэхэмрэ курортхэмрэ я Iуэхутхьэбзэхэм - процент 13,6-кIэ.

ПщIэ зыщIат Iуэхутхьэбзэхэм я процент 16,8-р унагъуэхэм хуащIэ Iуэхутхьэбзэхэм яубыд. Абы щыщу псэупIэ - хэр къэгъэщIэрэщIэжыным, ухуэным, нэгъуэщI ухуэныгъэхэр егъэкIуэкIыным процент 57,4-рэ къалъос, транспортхэр, машинэхэр, обрудованэхэр зэгъэпэ щы- жыным, абыхэм елэжьыным - процент 12,8-рэ, щхьэщIэщэмрэ косметикэ Iуэхутхьэбзэхэмрэ - процент 11,4-рэ.

ХЬЭЩОКЪУЭ Алыдж.