Ахъмэт Амир и гъэсэнхэм Кубокыр къахь

Тэтэрстаным и Елабугэ къалэм жэпуэгъуэм и 21 - 26-хэм щекIуэкIащ УФ-м тхэквондомкIэ (ВТФ, Олимп джэгухэм хыхьэ лIэужьыгъуэмкIэ) и Кубокыр къэхьыным хуэунэтIа зэхьэзэхуэ. Абы щызэпеуащ ди къэралым и щIыналъэхэм ящыщу 30-м щIигъум я спортсмен, щIалэхэри хъыджэбзхэри зэхэту, 350-м щIигъу.

Къэбэрдей-Балъкъэрым и щIыхьыр яIэту зэпеуэм щыIащ Кэнжэ къуажэм дэт «Пять колец» спорт академием и тхэквондистхэр, икIи, ди гуапэ зэрыхъущи, зэфIэкIышхуэхэр абы къыщагъэлъэгъуащ. УФ-м щIыхь зиIэ и тренер Ахъмэт Амир и гъэсэнхэу Бицу Къантемыррэ Сатушы Мадинэрэ я хьэлъагъхэм елъытауэ зыхэта гупхэм щытекIуащ икIи, ди республикэм щыяпэу, УФ-м и Кубокыр тIуми къахьащ. 

Килограмм 63-рэ зи хьэлъагъхэм я деж щызауэ Бицу Къантемыр зыхэта зэIущIитхуми щынэхъ лъэщащ. Ди щIалэм финалым щыхигъэщIащ Мэзкуу областым и спортсмен Дейниченкэ Александр.

Сатушы Мадини зэIущIитху щригъэкIуэкIат абыи, псоми щытекIуащ. Финалыр къыфIихьащ Санкт-Петербург къалэм и лIыкIуэ Зверевэ Марие. Мыбыхэм зыкъыщагъэлъагъуэр килограмм 49-рэ зи хьэлъагъхэм я дежщ.

Ди республикэ цIыкIум къылъысу апхуэдэ зэхьэзэхуэ иным КубокитI къыщыпхьыныр ехъулIэныгъэшхуэщ икIи гуапэу дохъуэхъу ди спортсменхэмрэ тренерхэмрэ адэкIи я зэфIэкIымрэ ехъулIэныгъэмрэ хагъэхъуэну, я текIуэныгъэ дахэхэмкIэ спортым дихьэххэр куэдрэ ягъэгуфIэну.

КЪУЭЖЕЙ Iэдэм.

Поделиться:

ЧИТАТЬ ТАКЖЕ:

19.11.2026 - 09:08

Урыс щэнхабзэм зэкъуегъэувэ

Къэбэрдей-Балъкъэрым и къалащхьэм мы махуэхэм щызэхэта «Урыс лъэпкъ тхы­дэмрэ щэнхабзэмрэ тхъу­мэу» еплIанэ фестивалым зэхуишэсащ республикэм щыпсэу лъэпкъ псоми я лIыкIуэхэр.

19.11.2026 - 09:01

Къэбым и махуэшхуэм зэхуишэсахэр

­Налшык и Къэбэрдей уэ­рамым и лъэс зекIуапIэм иджыблагъэ ще­кIуэкIащ Къэ­бым и фестиваль.

19.11.2026 - 08:59

Ныбжьэгъугъэ уджым зэдыхэтахэр

Пятигорск къалэм дэт 2-нэ курыт еджапIэм иджыблагъэ щекIуэкIащ «Ныбжьэгъугъэ удж: щэнхабзэхэмрэ зэкъуэтыныгъэмрэ я махуэ» зыфIаща дауэдапщэр. А еджапIэм щIэсщ лъэпкъ зыбжанэм щыщ цIыкIухэр.

18.11.2026 - 09:03

Бэм я гум дыхьа усакIуэт

Кулиев Къайсын и цIэр ­зе­зыхьэ балъкъэр къэрал дра­мэ тестрым щагъэ­лъэ­пIащ ­КъБАССР-м и цIыхубэ усакIуэ Геттуев Максим къы­зэралъ­ху­рэ илъэси 110-рэ зэрырикъум и щIыхькIэ Тхы­лъыр фIыуэ зы­лъаг

18.11.2026 - 09:03

ЗэIущIэ щхьэпэ

Май районым и прокурор ТекIушэ Рустам щIыпIэм и ЩIалэгъуалэ центрым ныбжьыщIэхэм щахуэзащ.