Кюз арты - тюрлю-тюрлю бояула эмда сейирлик суратлары бла толгъан кезиу. Табийгъат «кийимлерин» алышындырады, агъач тюрсюнлю кюйюзге ушап, тёгерекдеги къудурет ариудан-ариу бола барады.  Белгили  поэтле жылны бу кезиуюню юсюнден  назмуларын бошдан жоралагъан болмазла.

Нальчикде уа кюз арты бютюнда аламатды. Аны паркы да тюрсюнлю бет алады. Хар аягъынг басханынг сайын сары, къызыл чапыракъланы  шош  тауушлары эшитиледиле. Тереклени бутакъларындан кёрюннген кюн таякъла уа, артыкъ жылытмай эселе да,  жарыкъ тийип, кёзню, жюрекни да къууандырадыла. Тёгерек жомакъгъа ушагъан кезиу! 

Холаланы Марзият.