МЧС-ни регионда Баш управлениясыны башчысыны къуллугъун болжаллы халда толтургъан Эльдар Хашхожев Къабарты-Малкъарны бла  Ставрополь крайны КъМР-да Чекчи управлениясыны байламлыкъда ишлеген органларыны жыйылыууна къатышханды, анда  2026 жылда чекледе къоркъуусузлукъну сакълаугъа  энчи эс бёлюннгенди.

Андан сора да, «Эльбрус – 2025» оператив-профилактика ишлени, «Нелегал – 2025», «Мак – 2025» ведомствола аралы операцияланы эсеплери сюзюлгендиле. Этилген билдириулеге кёре, чыгъа тургъан къоркъууланы кечикмей кетериуню амаллары да изленнгендиле.

Жыйылыу Россейни ФСБ-сыны Къабарты-Малкъарда Чекчи управлениясыны таматасы генерал-майор Игорь Семериковну башчылыгъында бардырылгъанды, деп билдиредиле ведомствону пресс-службасындан.

Кульчаланы Зульфия.