Ставрополь крайм Дзюдомрэ самбэмкIэ и федерацэм и унафэщIым и къуэдзэ, УФ-м дзюдомкIэ спортым и мастер, урысейпсо категорие зиIэ судьяуэ щыта, зэуэзэпсэу дунейм нэгъабэ ехыжа Тохунц Спартак и фэеплъ зэхьэзэхуэ иджыблагъэ ­ще­кIуэкIащ Невинномысск къалэм дэт «Олимп» спорт комп­лексым. 

Хэгъэрейхэм нэмыщI, абы щызэпеуащ Ростов областым, Краснодар крайм, Адыгейм, Къэрэшей-Шэрджэсым, Къэбэрдей-Балъкъэрым, Осетие Ищхъэрэ - Аланием, Ингушым, Шэшэным, ­Дагъыстэным я бэнакIуэ 360-м нэблагъэ, я ныбжькIэ илъэс 15-м ­щIимыгъуауэ. 
Ди республикэм и лIыкIуэхэм ящыщу я хьэлъагъ елъытауэ щыбэ­на гупхэм япэ увыпIэхэр къыщахьащ Балэ Темырланрэ Дадуев Суфянрэ. ЕтIуанэ хъуахэщ Биттиров Эмирхъанрэ Ефэнды Астемыррэ. 
ХьэщIэдыгъу Сальдар, Куэшэр Инал, Мисиров Мансур, ЛIыхъугу Iэдэм сымэ домбеякъ медалхэр къахьащ. 
Ди командэм и тренерхэщ Иванов Дмитрий, Апхудэ Анзор, Къуэшрокъуэ Астемыр, Тау Азэмэт, ГъуэплъащIэ Астемыр, Дзухэ Беслъэнрэ Залымрэ, Емкъуж Рустам, Мырзэхэ Тимуррэ Казбекрэ. 

КЪУЭЖЕЙ Алим.