Къабарты-Малкъар энчи аскер операциягъа къатышхан жерлешлерибизге дайым болушлукъ  этгенлей турады, тилеклерин толтурургъа кюрешеди. Кёп болмай   Элбрус районда жашагъанланы кючлери  бла кезиулю  гуманитар болушлукъ жыйылып  энчи аскер операцияда борчларын толтура тургъан  аскерчилерибизге 600 килограмм чакълы  бир жюк жиберилгенди.  
Бу жол адамгъа биринчи керек затла жыйышдырылгъандыла: кёп заманны сакъланнган  аш-суу, дарманла, тазалаучу абериле, жылы кийимле эм чындайла да.   Школчула бла сабий садлагъа жюрюгенле уа, аскерчилеге жюрекден келген алгъыш сёзлерин жазып, открыткала бла письмола ашыргъандыла.   
«Жерлешлерибиз алагъа  саулай район жарсыгъанын, ызларына къайтырларын сакълагъанларын билип турургъа керекдиле. Ол кюч эм таукеллик къошады. Ол себепден  жарсыуларына эс бургъанлай, къолубуздан келгенича  болушханлай турлукъбуз. Быллай магъаналы ишге  уллу кёллюлюк  этмеген хар  инсан да къошумчулукъ эталлыкъды», – дегендиле бу огъурлу ишни къурагъанла.  

Курданланы 
Сулейман.