Къабарты-Малкъар «Единая Россияны» халкъ программасыны чеклеринде къуралгъан битеуроссей агродиктантха къошулгъанды. Ол «Россейни эли»  партия программаны чеклеринде къуралгъанды. 

Къабарты-Малкъар къырал аграр университетни студентлери бла устазлары билимлерин сынагъандыла, деп билдиргендиле KABARDIN-BALKAR.ER.RU сайтда. Диктантны аллында ала партияны генсоветини башчысы Владимир Якушевни видео  алгъышлаууна тынгылагъандыла. Ол, сынаулагъа миллиондан аслам адам къатышханын айтып, барысына да жетишимле тежегенди.  
Бу вузну студентлери бла устазларындан сора да, кеслерини билимлерин школланы окъуучулары, агродиктантха онлайн халда къатышыргъа сюйгенле да сынагъандыла. Эсепле бу кюнледе, 17 октябрьде, белгили этилликдиле. Алчылагъа дипломла берилликдиле. 
 Агродиктант  8 -12 октябрьде бардырылгъанды. Сынау  30 соруудан къуралгъанды: эл мюлкню тюрлю-тюрлю бёлюмлери бла байламлы. Ол санда малчылыкъны, мелиорацияны, жерчиликни, къумалы малчылыкъны, жарашдырыучу промышленностьну, тыш къыралла бла сатыу-алыуну юслеринден эм башхала. Проект къыралны инсанларына билимлерин сынагъан бла бирге эл мюлкде болгъан жангы технологияла бла шагъырейленирге онг береди.    
ТОКЪЛАНЫ Фатима хазырлагъанды.