КъМР-ни Башчысы Казбек Коков Правительствону къаууму эм республиканы районларыны оноучулары бла жыйылыу бардыргъанды. Анда миллет эм федерал проектле жашауда къалай бардырылгъанларына, кюз-къыш кезиуде отлукъ бериуге хазырланыугъа эм башха магъаналы соруула сюзюлгендиле. Аны юсюнден республиканы оноучусуну телеграм-каналы билдиргенди.
Жыйылыуда республиканы районларында бла шахарларында январь-сентябрь айлада миллет проектле, къырал программала къалай толтурулгъанларыны юсюнден ал кёрюмдюлерине къарагъандыла. Быйылгъы жылда республика 12 миллет эм 38 федерал проектге къатышады. Ишле асламысында жол-транспорт эм жашау журт-коммунал мюлкде, билим бериуде эм саулукъ сакълауда, маданиятда бла спортда эм башха бёлюмледе бардырыладыла.
Муниципал даражада «Инфраструктураны жашау ючюн», «Юйюр», «Жаш тёлю эм сабийле», «Узакъ эм тири жашау» миллет проектле тамамланыладыла. Салыннган борчланы толтуруу бла республика алчы жерледе турады, къурулуш ишле белгиленнген болжалдан артха къалмай этиледиле. Бир-бир жерледе ишлени терклендириу бла байламлы тийишли буюруула да берилгендиле.
Жыйылыуда республиканы отлукъ бериу кезиуге хазырлыгъына аслам эс бурулгъанды. Белгиленнген планнга кёре, юч минг кёп фатарлы юйге жылыу берилликди, 372 котельнягъа эм жылыу берген быргъылагъа къараллыкъды.
Бюгюнлюкге ишлени асламысы этилгенди, авария эм диспетчер службалагъа сау кюнню ишлерча онгла къуралгъандыла. Андан сора да, жашау журт-коммунал мюлкге кирген объектледе тюбеучю бузукълукълагъа хазыр болургъа кереклиси айтылгъанды. Саулай да бюгюнлюкде республикада жашау журт фонд, билим бериу эм саулукъ сакълау бёлюмле къышха хазырдыла.
Кенгешни ахырында КъМР-ни Башчысы муниципал администрацияланы таматаларына 3-6 октябрьде Нальчикде бардырыллыкъ «Ата журтну къоруулаучуларыны кубогу» деген регионла аралы комплексли физкультура эришиулени бардырыугъа не жаны бла да себеплик этерге кереклисин айтханды. «Бизге Шимал-Кавказ федерал округдан жюзден аслам энчи аскер операциягъа къатышхан ветеран келликди. Эришиулени бардырыргъа битеу онгланы къураргъа эм келген багъалы къонакълагъа тийишлисича къараргъа керекди», – деп чертгенди республиканы оноучусу.
