Гъунэгъу Осетие Ищхъэ­рэ - Алание республикэм фо­кIадэм и 10-м къыщы­хъея Iэуэлъауэм ди дежи къэмысыпIэ иIэтэкъым. Илъэс 29-рэ зи ныбжь  депутатыр «права къызы- хуа­щэхуа» хъыджэбзхэм я щхьэм  пхъашэу ­ири­кIуащ. ЗрикIуари езы­хэ­ракъым, атIэ абыхэм машинэрэ ар къы­зэры­ра­хуэкIын дэфтэр нэпцIрэ ­къахуэзы­щэхухэрщ. 

Дидаров Сослан и цIэр нэхъапэми къитIуауэ щытащ, цIыхубэр зыхуей-зы­хуэфI­хэр ищIэу, илъэкI къэ­зымыгъанэ къулыкъущIэ щIа­лэхэм я щапхъэу. Ап­хуэ­дэпщIэ цIыхубэм я деж  Сос­лан къызэрыщилэжьы- фар зыхуахьыр езым и лэ­жьыгъэм псэ къабзагъэу ­хилъхьэрщ.  Щапхъэм и хьэ­тыркIэ, Дидаровым и за­къуэщ Кавказ Ищхъэрым щат улахуэхэр къэралым и адрей щIыпIэхэм щатым куэдкIэ къазэрыкIэрыхум  хуабжьу тепсэлъыхьар. Владикавказ унэ уасэхэр щIы­щыдрагъэуейм и щхьэусыгъуэм, ауэ щыхъукIэ, хаб­зэхъу­мэ­хэмрэ дзэм и лэ­жьакIуэхэмрэ ардыдэхэр пуду щIа­Iэ­рыхьэм щIэуп­щIар. Депутатым гу лъаригъэтащ щIалэгъуалэр республикэм зэ­ри­IэпхъукIым, цIыхушхуэ Америкэм зэритIысхьам, уеб­лэмэ осетин хьэблэхэр щаухуэжауэ зэ-­ры­щытым. «Дауэ унагъуэ­щIэхэр Хэкум къызэринэнур, ипотекэ къудейм и уасэ зэрамыгъэу­Iуфмэ?» - жиIэри, упщIэр ­игъэувауэ щытащ депутатым. А псори Сослан къыщипсэлъыр  парламент кIуэ­цIырщ, зыкъыхуэзыгъазэ цIыхухэм я гукъеуэхэр къигъэнаIуэу. ЩIалэр утыку иты­ным хуэ­щIащ, зэпсалъэ­хэр илъа­гъуу, зыхищIэу, Iуэ­хум пху­хэлъ­хьэнур гуры­Iуэгъуэ ищIу. 
Пэжращи, жагъуэгъур щэ­хурыпхъуэщ. ПщIэрэ щхьэрэ зиIэ политик щIалэм зэры-пэ­лъэщыну Iэмалу зылъэIэсар цIыхубзхэм я къыщ­хьэ-щыжакIуэу зызыгъэIуа ­Соб­чак Ксение IейкIэ къыт­рагъэпсэлъыхьынырщ. Сос­лан IэщIэкIа «шхыдэбзэм» машинэ къезыхуэкI хъы­джэбз псори зэригъэпу-дым, абыхэм щхьэкIэ «хьэуа­зэ зи щхьэм илъ си­ликон гуащэхэр» зэрыжи-Iам щхьэкIэ, «къысхуэ- гъэгъу» жи­мыIэжу зэрымы- хъунур осетин щIалэм къра­IуэкIащ. 
Арати, узэдэуэнумэ, гуп-гуп узэрищIыкIынумэ, къеб­лагъэ. «Уей, Сослан апхуэдэу жиIэн хуэмея», - жызыIахэр зы гуп. «Депутат къулыкъум къытедзын хуейщ ар», - жы-зыIэхэр етIуанэ. Езы Дидаровыр интернетым къихьэри, Собчак жэуап иритащ: «Сэ цIыхубзхэр згъэпудын си хьэлу жызыIэн къэб­гъэувыфыну къыщIэ­кIынкъым. Анэр си дежкIэ анэщ, шыпхъур - шыпхъущ, щхьэгъусэр - щхьэгъусэщ, ауэ зи щхьэм хьэуазэ илъ силикон гуащэри - зи щхьэм хьэуазэ илъ силикон гуа­щэщ, щхьэж и цIэмкIэ еджэн хуейщ. Апхуэдэ хъыджэбзхэм я зэранкIэ гъуэгу ­къэ­хъукъащIэм мызэ-мы­тIэу сы­хэхуэ пэтащ. Пэжщ, ма­шинэ къехуэкIыкIэ зымы­щIэр хъыджэбзхэм я за- къуэкъым, абыкIэ хэти пхуэгъэкъуэншэнущ, ауэ Iуэхум хэ­зыщIыкIым сэ апхуэдэу щIы­жысIар къыгуроIуэ». 
Ауэрэ хъыбарым зиуб­гъуащ. Дидаровыр иджыри зэ утыкум къихьэри, Собчак Ксение Осетием иригъэблэгъащ, Iуэхур зыIутыр и нэкIэ илъагъун хуэдэу, цIыхухэм   я псэукIэр ягу къеуэр пэж-мэ, зэгъусэу ящIэн къазэры­хуэгъуэтынур къыхигъэщу. 
Машинэ къезыхуэкI хъы­джэбзхэм депутатым жи-Iар я щхьэ хуахьыххакъым. ИтIани, Дидаровым зэгъэп­щэныгъэкIэ зэрыригъэлеяр наIуэти, ар жэщ-махуэ 15-кIэ ягъэтIысынкIи зэрыхъунур зэпхагъэIукIащ. Ар утыку ­къизыхьар юрист Воропаев Олегщ. ЦIыхубз къулы­къущIэ зыбжанэ, Собчак дежьууэ, щIалэм техъущIы­хьащ. Осетие Ищхъэрэ - Алание Республикэм и Парламентым Депутатым хэ-лъыпхъэ щэнымкIэ и комитетым и унафэщI Бердиев Кермен Дидаровым хуэфащэ тезыр щытралъхьэну зэIущIэ зэрызэхашэр къи­гъэ­нэIуащ. А хъыбарым ­зан­щIэу къыпэджэжащ республикэм и Уэчылхэм я зэгухьэныгъэр Дидаровым пщIэн­шэу къыщхьэщыжы-ну зэрыхьэзырым теухуа хъы­­барыр. ЖьакIуэу я ­лъэп­къэгъу щIалэр зыухейхэм къащIэжащ Дидаровыр зыгъэIущыжыну хэт езы Собчак и гублащхьэдэсым, ар кхъухьлъатэм къыкIэримыгъэхун папщIэ, псын­щIагъ­кIэ иригъэлейуэ, цIыху иригъэукIауэ зэрыщытар. ЦIыхухэр къигъэуIэбжьауэ щы­тащ журналисткэм ар къыфIэмыIуэхуххэу, и гъуэгум пищауэ зэрыщытам. Апхуэдэ къэмыхъун папщIэщ Сослан и псалъэр щIигъэпхъашэр. 
Сытми, зи напэр трахыну хуея щIалэм и пщIэм нэхъ-ри хагъэхъуауэ къыщIэкIащ. «Мы къевгъэлыну фызыхэт щIалэм лъэпкъ лъагъуныгъэм зыщIигъэмбрыуауэ, матхъэ, зыри лей къытехьакъым икIи къытехьэнукъым», - жызыIар захуэт.