КъМР-ни Башчысы Казбек Коков Къабарты-Малкъарны жамауатын Уллайгъан адамны кюню бла алгъышлагъанды.

«Республикабызны тамата тёлюсюн – ата-аналаны, ынналаны бла аппаланы, ветеранланы - Ата журтну къоруулаучуланы, урунууну ветеранларын – Къабарты-Малкъарны экономикада, илмуда, маданиятда, спортда, башха бёлюмледе да жетишимлерине уллу къыйын салгъанланы барысын да - жюрегимден алгъышлай, ыразылыгъымы  билдиреме. 

Тамата тёлюбюзню жашауу – ол  ёсюп келген тёлюню келир заманыны, туугъан жерибизни айныууну хазнасыды. Сизни бла дайым  ёхтемленебиз, Сиз бизге иш кёллюлюкню, Ата журтха кертичиликни юлгюсю болгъанлай къаласыз.

Уллайгъанлагъа къайгъырыу – ол жаланда сыйлы борч болуп къалмай, аны тюз ниетли эмда адепли адамлагъа ышанырча жумушду. Бизде, Къабарты-Малкъарда, уллайгъан адамларына сый-намыс берген, алагъа къайгъыргъан,  акъыл сёзлерине бла сынауларына тынгылагъан юйюрлеге не заманда да уллу хурмет этиледи.

Тамата тёлюбюздю адет-тёрелерибизни сакълагъан, аланы ёсюп келген тёлюню юйретген. Ала ана тилибизни юсю бла жаш адамлагъа адамлыкъны бек баш ышанларын сингдиредиле – бир бирге огъурлу кёзден къараргъа, юйюрюнгю сюерге, анга къайгъырыргъа, башхалагъа жан аурутургъа, къоркъакъ болмазгъа, намысны тюшюрмезге, кертичиликге табыныргъа юйретедиле. 

Таматаларыбызны барысына да кийик саулукъ, монглукъ, юйюр жылыулукъ тежейме, бар игиликле да сизни болсунла!» – деп жазгъанды Казбек Коков телеграм-каналында.