Налшык къалэм и «Гладиатор» спорт комплексым щекIуэкIащ дзюдомкIэ зэхьэзэхуэ зэIуха. Ар къызэрагъэпэщат Адыгэхэм я махуэм и щIыхькIэ. Абы щызэпеуащ Къэбэрдей-Балъкъэрым, Ставрополь крайм, Къэрэшей-Шэрджэсым, Осетие Ищхъэрэ – Аланием я бэнакIуи 150-м щIигъу, я ныбжькIэ илъэс 15 - 16 хъууэ. 
Ди командэм щыщу я хьэлъагъ елъытауэ зыхэта гупхэм япэ увыпIэхэр къыщахьащ Биттиров Алихъан, Къуэн Алим, Теммоев Алан, Нэгъуей Амир, Хъуран Къантемыр, Кокоев Георгий, Шыкъ Эльнур, Ныр Ахьмэдхъан, ШэрыIужь Айдэмыр сымэ.
НыбжьыщIэхэр зыгъасэр Дзухэ Беслъэнрэ Залымрэ, Ким Руслан, Соблыр Рустам, Махуэ Олег, Куп Эдуард, Тау Азэмэт, ГъуаплъащIэ Астемыр, Къамбий Мартин, Джэданэ Залым, Емкъуж Рустам, Шаваев Хьэнэфий, Мырзэ Казбек, Бунятов Алий, ГъущIапщэ Самир, Жангоразов Хьэким, ХьэхъупащIэ Беслъэн сымэщ. 

КЪУЭЖЕЙ Iэмин.