Былтыр Къабарты-Малкъарда башлары жабылгъан жерде ёсдюрюлген тахта кёгетледен 39 минг тонна жыйылгъанды. Ол  жети жыл мындан алгъада кёрюмдюден 10,5 минг тоннагъа кёпдю. Алай бла сагъынылгъан кезиуде 3,7 кереге ёсюм эсленеди, деп билдириледи КъМР-ни Эл мюлк министерствосуну пресс-службасындан. 

Бу жаны бла ахшы кёрюмдюлеге 2023 жылда 37,6 гектарда ишленнген «Чегем Агро» теплица  комплекс хайыры бла жетерге онг табылгъанды. Бусагъатда мында жылгъа 13 минг тоннадан артыкъ  томат ёсдюрюледи.  

Эсге сала айтсакъ, проектге кёре «Чегем Агро» комплекс Шимал Кавказда эм уллуладан бири боллукъду. Анда жыл сайын 51 минг тонна чакълы  бадыражан ёсдюрюллюкдю. Комплекс толусунлай ишлеп башласа, 1200 адам урунур жер боллукъду, бюджетге уа жыл сайын 600 миллион чакълы сом налог тёленирикди.

Курданланы Сулейман.