Афэрым, Iэюб!

26 сентября, 2025 - 06:10

Хъыбар гуапэ иджыблагъэ къытIэрыхьащ. Урысей Федерацэм и Президент Путин Владимир и унафэкIэ, «Хэкум и пащхьэм щиIэ фIыщIэхэм папщIэ» етIуанэ нэгъыщэ зиIэ орденым и медалыр къыхуагъэфэщащ Къэбэрдей-Балъкъэрым и дзюдоист, спортсмен цIэрыуэ Блий Iэюб.

Ди адыгэ щIалэм апхуэдэ щIыхь лъагэ игъуэтащ спортымрэ физкультурэмрэ щиIэ ехъулIэныгъэхэм, псэ хьэ­лэлу лэжьыгъэм зэрыбгъэдэтым, 2024 - 2025 гъэхэм къигъэлъэгъуа спорт ехъулIэныгъэшхуэхэм папщIэ, апхуэдэу ар трагъэхуащ Санкт-Петербург къалэм дзюдомкIэ и ­федерацэр мы гъэм илъэс 90 зэрырикъум. 
Фигу къэдгъэкIыжынщи, Блий Iэюб 2025 гъэм Европэм и чемпионатым етIуанэ, дуней псом - ещанэ щыхъуащ, УФ-м и чемпионщ, дзюдомкIэ «Тажышхуэ» зэпеуэр тIэу къихьащ, дунейпсо классымкIэ спортым и мастерщ. УФ-м щIыхь зиIэ и тренер Рахлин Анатолий и цIэр зэрихьэу Санкт-Петербург къалэм дэт спорт еджапIэм и гъэсэнщ. 
УФ-м и Президентым и ЩIыхь тхылъыр нэгъабэ къратащ.
Дохъуэхъу ди лъэпкъэгъу щIалэ ахъырзэман Блий Iэюб и ехъулIэныгъэмкIэ: текIуэныгъэ дахэхэмкIэ дяпэкIи дигъэгуфIэну,  къытхуихь медалхэм хи­гъэхъуэну, и мурадхэр къехъулIэну, лъагапIэ нэхъ ин дыдэхэр спортым къыщищтэну! 
Афэрым, Iэюб!

ХЬЭЩЫКЪУЕЙ  Олег. 

  • 10 просмотров

Поделиться:

ЧИТАТЬ ТАКЖЕ:

09.10.2026 - 09:03

Дызытет лъагъуэр хремыгъуащэ

Къэбэрдей-Балъкъэрым и муслъымэнхэм я IуэхущIапIэмрэ Ислъам щIэныгъэмрэ щэнхабзэмрэ за­щIэ­гъэкъуэнымкIэ фон­дым­рэ я жэрдэмкIэ, Къэ­бэрдей къэрал драмэ театрым жэ­пуэгъуэм и 6-м щекIуэ­кIащ щIынал
09.10.2026 - 09:03

НыбжьыщIэхэр яущий

Налшык къалэм зэIущIэ щхьэпэ ще­кIуэ­кIащ класс нэхъыжьхэм щIэс школакIуэхэр наркотикым пэIэщIэ щIыным теухуауэ.
08.10.2026 - 09:03

Зэи мыкIуэдыжыну IэщIагъэ

Хабзэ зэрыхъуауэ, КъБР-м и Iэтащхьэ КIуэкIуэ Казбек Къэбэрдей-Балъкъэрым и егъэджакIуэхэмрэ гъэсакIуэхэмрэ яхуэзащ. 
08.10.2026 - 09:02

Дыгъэм кърегъэгъэзэж

Къэбэрдей-Балъкъэрыр илъэси 100 зэрырикъум и цIэр зезыхьэ паркым ит галереем мы махуэхэм щагъэлъагъуэ Къэбэрдей-­Балъкъэрым и цIыхубэ сурэтыщI, ХудожествэхэмкIэ Урысей академием и академик, философ
08.10.2026 - 09:00

И тхыгъэхэр къэцIыхугъуафIэт

Лъэпкъ библиотекэм и лъахэхутэ къудамэм щекIуэкIащ КъБР-м и цIыхубэ усакIуэ, тхакIуэ ЩоджэнцIыкIу Iэдэм къы­зэралъхурэ мы гъэм илъэси 100 зэ­ры­рикъум теухуа пшыхь.